16.07.2026 | 23:29
Հետաքննությունը պարզել է, որ Ալիևի թոռներն անօրինական կերպով օգտագործում են պաշտոնական լիմուզիններն և անվտանգության մեքենաները
Բելառուսը ՌԴ-ի հետ զորավարժություններն արևմտյան սահմաններից կտեղափոխի երկրի խորքը՝ «լարվածությունը նվազեցնելու» համար
Քաղաքականություն
28.05.2025 | 22:44
Բելառուսը Ռուսաստանի հետ համատեղ զորավարժություններն արևմտյան սահմաններից կտեղափոխի դեպի երկրի խորքը՝ «տարածաշրջանում լարվածությունը նվազեցնելու» համար։ Այս մասին հայտարարել է երկրի պաշտպանության նախարար Վիկտոր Խրենինը։
«Մենք որոշել ենք կրճատել «Արևմուտք-2025» զորավարժությունների պարամետրերը և դրանց հիմնական մասն արևմտյան սահմաններից տեղափոխել Բելառուսի տարածքի խորքը»,- ասել է Խրենինը։
Նա վստահեցրել է, թե զորավարժություններն ուղղված չեն որևէ մեկի դեմ, և դրանց տեղափոխումը Բելառուսի տարածքի խորքը վկայում է երկխոսության պատրաստակամության և տարածաշրջանում լարվածության նվազման մասին։
Ռուս-բելառուսական «Արևմուտք-2025» ռազմավարական զորավարժությունները նախատեսված են 2025 թվականի սեպտեմբերին։ Հաղորդվել է, որ դրանց կմասնակցի մոտ 100 հազար զինծառայող։
Միաժամանակ, մայիսին Լատվիայում անցկացվել է ՆԱՏՕ-ի «Արագ արձագանք 2025» (Rapid Response) զորավարժությունները, որոնց նպատակն է մշակել արևմտյան դաշնակիցների և լատվիական զինվորականների համատեղ գործողությունները Ռուսաստանի և Բելառուսի կողմից հարձակման դեպքում։
Թարգմանությունը՝ Էմմա Չոբանյանի
