ՔՆՆԱՐԿՈՒՄ. Փողով կրճատե՞լ բանակում ծառայության ժամկետը. ինչ հետևանքներ կբերի օրենքի ընդունումը

Ենթադրվում է, որ այս շաբաթ ՀՀ ԱԺ Պաշտպանության և անվտանգության հարցերի հանձնաժողովը երկրորդ փորձից նիստ կգումարի և կհաստատի գումարի դիմաց զինծառայության ժամկետը կրճատելու օրինագիծը։ Նախորդը չեղարկվեց՝ պատգամավորների անբավարար թվի պատճառով։ Կառավարությունն արդեն հավանություն է տվել օրենքի նախագծին։ Եթե ԱԺ-ն լիագումար նիստում ընդունի օրենքի նախագիծը, ապա ՀՀ-ում հնարավոր կլինի 18 միլիոն դրամի դիմաց բանակում ծառայել ընդամենը 4 ամիս, իսկ 24 միլիոն դրամի դիմաց՝ 1 ամիս։ Ընդ որում, Կառավարությունը յուրաքանչյուր զորակոչից առաջ կսահմանի նաև, թե քանի հոգի կարող է օգտվել նման հնարավորությունից: Այս նախագծով նախազորակոչային տարիքի մինչև 16 տարեկան տղաները պետությանը մեխանիկորեն 15 միլիոն դրամի պարտք կունենան, որը կզրոյացվի, երբ նրանք կհաշվառվեն զինծառայության համար կամ կվճարեն այդ գումարն ու կհրաժարվեն ՀՀ քաղաքացիությունից:

Ի՞նչ ազդեցություն կունենա այս օրենքի ընդունումը զինված ուժերի մարտունակության և սոցիալական հարաբերությունների վրա։ Factor TV-ում հրավիրել ենք քննարկում, որին մասնակցում են Ժաննա Ալեքսանյանը՝ «Լրագրողներ հանուն մարդու իրավունքների» ՀԿ ղեկավար, իրավապաշտպան, Հրաչյա Արզումանյանը՝ Ազգային անվտանգության և ռազմական հարցերով փորձագետ, քաղաքագիտության դոկտոր, Նարեկ Ներսիսյանը՝ իրավաբան-փորձագետ, Հայկ Սահակյանը՝ քաղաքագետ, ՔՈ կուսակցության անդամ։

Հաղորդումն ամբողջությամբ՝ տեսանյութում։

Ռոբերտ Անանյան