05.11.2026 | 17:07
ԱԺ ծեծկռտուքի առնչությամբ ՀԿ-ները հանցագործության մասին հաղորդում են ներկայացրել Գլխավոր դատախազություն
Բանակում խնդիրները դիտարկել սոցիալական տեսանկյունից՝ փակուղի գնացող ճանապարհ է․ Տիգրան Աբրահամյան․ ՏԵՍԱՆՅՈՒԹ
Քաղաքականություն
27.05.2025 | 17:44
«Գումարի դիմաց ծառայության կրճատումը դուրս է բոլոր տրամաբանական մոտեցումներից»,- ԱԺ հայտարարությունների ժամին «Պատիվ ունեմ» խմբակցության քարտուղար Տիգրան Աբրահամյանն այսպիսի կարծիք հայտնեց։
«Սոցիալական արդարությունից՝ մինչև արդարության կոպտագույն խախտումներ, որոնք արտահայտվում են իշխանության առաջ քաշած նախաձեռնությամբ՝ գալիս են լրացնելու առանց այն էլ հասարակության մեջ տեղ գտած «սևերի-սպիտակների» հակադրություններում։ Բանակում խնդիրները դիտարկել բացառապես սոցիալական տեսանկյունից վերջնական փակուղի գնացող ճանապարհ է։ Այն կառավարությունը, որի համար հերոսը ոչ թե հայրենիքի պաշտպանության համար զինվորագրված մարդն է, այլ՝ հարկ վճարողը՝ արդեն իսկ ջախջախել է ԶՈՒ-երի գաղափարական ողնաշարը։ Բանակի հիմնական սյուներից մեկը՝ պարտադիր ժամկետային ծառայությունն, այս աստիճանի խեղաթյուրելն ազգային անվտանգության սպառնալիք է պարունակում։ Բանակը փորձադաշտ չէ։ Այստեղ կան սկզբունքներ, որոնք անքակտելի են, հատկապես, որ մեր շուրջ ռազմաքաղաքական իրադրությունն էականորեն չի փոխվել և այս փոփոխությունը մեզ առավել խոցելի է դարձնելու»,- հայտարարեց ընդդիմադիր պատգամավորը։
Մանրամասները՝ տեսանյութում։
