12.03.2026 | 14:21
«Զայեդ» մրցանակի կես մլն դոլարը պետք է վերադարձվի պետությա՞նը, թե՞ ծախսվի անձնական որոշմամբ. Փաշինյանի պարզաբանումը․ ՏԵՍԱՆՅՈՒԹ
Լիտվան չեղարկել է Վրաստանի դիվանագետների և պաշտոնյաների համար առանց վիզայի մուտքի ռեժիմը
Քաղաքականություն
22.05.2025 | 22:14
Լիտվան վիզային ռեժիմ է սահմանել Վրաստանի այն քաղաքացիների համար, որոնք ունեն դիվանագիտական և ծառայողական անձնագրեր, հաղորդում է վրացական Առաջին ալիքը։
Լիտվայի կառավարության որոշումը նախատեսում է վրացի դիվանագետների և պաշտոնյաների համար վիզային ռեժիմի ազատականացման կասեցման վերաբերյալ ԵՄ խորհրդի կողմից հունվարին ընդունված որոշման իրականացումը։ Առանց վիզայի ռեժիմի դադարեցումը վերաբերում է դիվանագիտական և ծառայողական անձնագրեր ունեցողներին և նրանց ընտանիքի անդամներին, որոնք նույնպես այլևս չեն կարողանա օգտվել երկարաժամկետ վիզաներ ստանալու պարզեցված և ավելի էժան ընթացակարգից։
Մայիսի 8-ին էլ Էստոնիայի կառավարությունը վիզային ռեժիմ էր սահմանել դիվանագիտական և ծառայողական անձնագրեր ունեցող Վրաստանի քաղաքացիների համար։ Էստոնիայի արտաքին գործերի նախարարությունը մարտի 3-ին էլ հայտնել էր, որ Վրաստանի 83 քաղաքացիների արգելվել է մուտք գործել երկիր։
Վրաստանի խորհրդարանի նախագահ Շալվա Պապուաշվիլին մեկնաբանել է Լիտվայի կառավարության որոշումը՝ սոցցանցերում նշելով, որ այդ որոշումը խախտում է 2010 թվականին Եվրամիության և Վրաստանի միջև կնքված միջազգային համաձայնագիրը վիզաների տրամադրման ընթացակարգի պարզեցման վերաբերյալ, և չունի որևէ իրավական հիմք։
«Մենք պետք է հասկանանք, որ այս որոշումը ԵՄ-ի և Վրաստանի միջև 2010 թվականին կնքված վիզայի տրամադրման ընթացակարգի պարզեցման վերաբերյալ միջազգային համաձայնագրի կոպիտ և իրավաբանորեն անհիմն խախտում է։ Կարևոր է, որ Եվրամիությունը և դրա անդամ պետությունները հարգեն իրենց միջազգային իրավական պարտավորությունները և կանոնների վրա հիմնված միջազգային կարգը»,- հայտարարել է Վրաստանի խորհրդարանի նախագահը։
Թարգմանությունը՝ Էմմա Չոբանյանի
