16.07.2026 | 23:29
Հետաքննությունը պարզել է, որ Ալիևի թոռներն անօրինական կերպով օգտագործում են պաշտոնական լիմուզիններն և անվտանգության մեքենաները
Կիմ Չեն Ընի ներկայությամբ Հյուսիսային Կորեայի նոր ռազմանավը շահագործման հանձնելու արարողության ժամանակ վթարվել է
Քաղաքականություն
22.05.2025 | 21:10
Հյուսիսային Կորեայում հինգ հազար տոննա ջրատարողությամբ նոր ռազմական նավի շահագործման մեկնարկի ժամանակ վթար է տեղի ունեցել, որի հետևանքով նավը վնասվել է։ Այս մասին հայտնել է Հյուսիսային Կորեայի Կենտրոնական լրատվական գործակալությունը։
Նշվում է, որ մայիսի 21-ին Չխոնչժինում տեղի է ունեցել 5000 տոննա քաշով նոր նավը շահագործման հանձնելու արարողությունը, որին մասնակցել է Կորեայի Ժողովրդադեմոկրատական Հանրապետության նախագահ Կիմ Չեն Ընը։ Հաղորդվում է, որ նավաշինարանի աշխատողների անզգույշ գործողությունների պատճառով տեղի է ունեցել «լուրջ վթար», որի հետևանքով նավի հատակը մի քանի տեղ վնասվել է։
Կիմ Չեն Ընը միջադեպը «բացարձակապես անընդունելի, լուրջ, ծանր միջադեպ և հանցագործություն» է որակել, որն առաջացել է «պարզապես անփութության, անպատասխանատվության պատճառով»։ Նա հայտարարել է, որ նավի նախնական տեսքի վերականգնումը ոչ միայն գործնական, այլև քաղաքական հարց է, որն անմիջականորեն կապված է պետության հեղինակության հետ, ուստի այն անպայման պետք է ավարտվի կուսակցության կենտրոնական կոմիտեի հունիսյան պլենումից առաջ։
Ապրիլի վերջին ԿԺԴՀ-ն շահագործման էր հանձնել նաև նոր բազմաֆունկցիոնալ «Չվե Ռեն» նավը։ Հաղորդվում է, որ այն ունի հինգ հազար տոննա ջրատարողություն և հագեցած է «ամենահզոր զենքերով»։ Սրանք երկրի ամենամեծ ռազմանավերն են, որոնք կարող են տեղափոխել և արձակել տասնյակ հրթիռներ։
Թարգմանությունը՝ Էմմա Չոբանյանի
