07.04.2026 | 23:00
Ռուսաստանը և Չինաստանը խափանել են ՄԱԿ-ի ԱԽ-ի բանաձևը Հորմուզի նեղուցի վերաբերյալ
Նախարարն ընդունել է Բրիտանիայի և Հյուսիսային Իռլանդիայի Միացյալ Թագավորության արտակարգ և լիազոր դեսպանին
Քաղաքականություն
09.10.2018 | 20:50
Նախարարն ընդունել է Բրիտանիայի և Հյուսիսային Իռլանդիայի Միացյալ
Թագավորության արտակարգ և լիազոր դեսպանին
ՀՀ տրանսպորտի, կապի և տեղեկատվական տեխնոլոգիաների նախարար Հակոբ
Արշակյանը հոկտեմբերի 9-ին ընդունեց Հայաստանի Հանրապետությունում Մեծ
Բրիտանիայի և Հյուսիսային Իռլանդիայի Միացյալ Թագավորության արտակարգ և
լիազոր դեսպան Ջուդիթ Մարգարեթ Ֆարնուորթին։
Դեսպանը շնորհավորեց նախարարին պաշտոնում նշանակվելու կապակցությամբ,ապա
անդրադարձավ երկու երկրների միջև արդեն առկա համագործակցությանը՝ ընդգծելով
հատկապես Լոնդոնում կայացած բրիտանական մի շարք կազմակերպությունների և ՏՏ
ոլորտի 17 հայկական ընկերությունների և գործարար կառույցների
ներկայացուցիչների հանդիպումները։
Նախարար Հակոբ Արշակյանը, շնորհակալություն հայտնելով շնորհավորանքի
համար, կարևորեց երկու երկրների միջև գործակցությունն առավել ակտիվացնելու
և ընդլայնելու անհրաժեշտությունը։
Հանդիպման ընթացքում քննարկվեցին տրանսպորտի, կապի և տեղեկատվական
տեխնոլոգիաների ոլորտներում երկկողմ գործակցության մի շարք
հնարավորություններ։ Կարևորվեց Հեռահաղորդակցության միջազգային միության
(ITU) հերթական համաժողովում մեր երկրի ներկայացված լինելու
անհրաժեշտությունը։
Անդրադարձ եղավ նաև տեխնոլոգիական բուհերի հետ համատեղ կրթական և
գիտահետազոտական ծրագրեր իրականացնելու հեռանկարներին այնպիսի ոլորտներում,
ինչպիսիք են 5G-ն և կիսահաղորդչային տեխնոլոգիաները։
Հակոբ Արշակյանն ընդգծեց, որ նախարարությունը բաց է համագործակցության
համար և պատրաստակամ է առաջիկայում առավել մանրամասն քննարկելու հետագա
գործունեության հետ կապված ծրագրերը։
ՀՀ տրանսպորտի, կապի և տեղեկատվական տեխնոլոգիաների
նախարարության լրատվական ծառայություն
