21.01.2026 | 20:12
Ֆիրմաները ներքին չաթով աշխատակիցներին ասում են՝ հունվարի 27-ն աշխատանքային է․ Գեղամ Նազարյան. ՏԵՍԱՆՅՈՒԹ
Իրավիճակի հանգուցալուծման միակ ճանապարհը երկխոսությունն է. Արմեն Սարգսյանը հանդիպել է վարչապետի և ԱԺ նախագահի հետ
Քաղաքականություն
09.10.2018 | 20:36
Նախագահ Արմեն Սարգսյանը խորհրդակցություններ է նախաձեռնել կառավարության և Ազգային ժողովի ղեկավարության հետ: Այս մասին տեղեկանում ենք ՀՀ նախագահի աշխատակազմի մամուլի ծառայությունից: Աղբյուրի փոխանցմամբ՝ դրանց շրջանակում Արմեն Սարգսյանն այսօր իր նստավայրում հանդիպումներ է ունեցել վարչապետ Նիկոլ Փաշինյանի և Ազգային Ժողովի նախագահ Արա Բաբլոյանի հետ: Զրուցակիցները քննարկել են երկրում ստեղծված ներքաղաքական իրավիճակը և առկա խնդիրների հանգուցալուծման ուղիները՝ այդ համատեքստում կարևորելով երկրում կայունության պահպանումն ու հանդուրժողականության մթնոլորտը: Նախագահը ողջունել է անցած օրերի բանակցային գործընթացը և շեշտել, որ իրավիճակի հանգուցալուծման և առկա խնդիրների լուծման միակ ճանապարհը երկխոսությունն է: Հանրապետության նախագահը հույս է հայտնել, որ հասարակությունն ու քաղաքական ուժերը կշարունակեն խոհեմություն ու սթափություն դրսևորել եւ առաջնորդվել երկրի շահերով, Սահմանադրությամբ ու օրենքներով:
