Լոնդոնի ոստիկանությունը Մեծ Բրիտանիայի վարչապետի տան հրկիզման գործով Ուկրաինայի ևս մեկ քաղաքացու է ձերբակալել

Լոնդոնի ոստիկանությունը ձերբակալել է Մեծ Բրիտանիայի վարչապետ Քիր Սթարմերի գույքի և տան հրկիզումների գործով երրորդ կասկածյալին։ Ուկրաինայի քաղաքացի Պետրո Պոչինոկը ձերբակալվել է մայիսի 19-ին, գրում է DW-ի ռուսական ծառայությունը։

34-ամյա Պոչինոկը մեղադրվում է նույն գործով ձերբակալված ևս երկու անձանց՝ Ուկրաինայի քաղաքացի Ռոման Լավրինովիչի և Ռումինիայի քաղաքացի Ստանիսլավ Կարպյուկի հետ դավադրության մեջ։ Նրանք կասկածվում են Լոնդոնի հյուսիսում գտնվող Քենթիշ Թաունում մեքենան, նույն փողոցում գտնվող Մեծ Բրիտանիայի վարչապետի մասնավոր տունը և Լոնդոնի հյուսիս-արևմուտքում գտնվող տունը հրկիզելու մեջ։ Գործի նյութերի համաձայն՝ բոլոր միջադեպերը տեղի են ունեցել մայիսի 8-ից 12-ն ընկած ժամանակահատվածում։

BBC-ն նշում է, որ մեքենան մինչև 2024 թվականը պատկանել է Քիր Սթարմերին։ Նա վարչապետ դառնալուց առաջ ապրել է Քենթիշ Թաունի տանը, իսկ 1990-ականներին՝ Լոնդոնի հյուսիս-արևմուտքում գտնվող տանը։

Լավրինովիչը և Կարպյուկըմայիսի 16-ին և 20-ին արդեն կանգնել են Վեստմինստերի դատարանի առաջ, նրանց նկատմամբ որպես խափանման միջոց է ընտրվել կալանքը։

Սթարմերը և նրա ընտանիքը 2024 թվականի հուլիսից ապրում են Մեծ Բրիտանիայի վարչապետի՝ Դաունինգ սթրիթում գտնվող պաշտոնական նստավայրում։ Տներից մեկը, որտեղ հրդեհվել, այժմ վարձակալության է տրվում։ Սթարմերը հրկիզումները անվանել էր «հարձակում բոլորի, ժողովրդավարության և պաշտպանած արժեքների վրա»։

Թարգմանությունը՝ Էմմա Չոբանյանի