Հասարակություն
15.05.2025 | 15:18
2025 թվականի առաջին եռամսյակում նվազագույն սպառողական զամբյուղը, նախորդ տարվա նույն ժամանակաշրջանի համեմատ, թանկացել է ամսական 1082 դրամով։
Վիճակագրական կոմիտեի հաշվարկներով՝ 2024-ի առաջին եռամսյակում 1 անձի նվազագույն ծախսերը կարելի էր հոգալ ամսական 77,098.8 դրամով, իսկ այս տարի դրա համար պահանջվում է 78,180.8 դրամ։
Հիշեցնենք, որ Հայաստանում նվազագույն կենսաթոշակի չափը սահմանված է 36,000 դրամ, իսկ նվազագույն ամսական աշխատավարձը՝ 75,000 դրամ։ 2024-ին ո՛չ նվազագույն կենսաթոշակը, ո՛չ նվազագույն աշխատավարձը չեն բարձրացվել։
Գայանե Խաչատրյան
