13.01.2026 | 16:48
Իրանցի պաշտոնյան հայտարարել է անկարգությունների ընթացքում շուրջ 2000 զոհի մասին
Անտագոնիզմ է, բարձրագույն կրթության եռաստիճան համակարգը փաստացի չի գործում․ Ժաննա Անդրեասյան․ ՏԵՍԱՆՅՈՒԹ
Հասարակություն
15.05.2025 | 12:49
Հայաստանում բարձրագույն կրթության եռաստիճան համակարգը փաստացի չի գործում, փոխարենը գիտական աստիճանի շնորհումը չի դիտարկվում որպես բարձրագույն կրթության մաս, այլ պահպանվում է գիտական աստիճանաշնորհման՝ ԽՍՀՄ-ից ժառանգած երկաստիճանությունը` ասպիրանտուրա և դոկտորանտուրա։
Այս մասին Կառավարության նիստի ժամանակ «Բարձրագույն կրթության և գիտության մասին» օրենքի և հարակից օրենքներում փոփոխություններ և լրացումներ կատարելու մասին» օրենքների նախագծերի ներկայացման ժամանակ նշել է ԿԳՄՍ նախարար Ժաննա Անդրեասյանը։
Ըստ նախագծի հիմնավորման՝ Հայաստանի Հանրապետությունում բարձրագույն կրթության ծրագիր իրականացնելու լիցենզիա ունի 60 կազմակերպություն (յուրաքանչյուր 50000 բնակչին` 1 բուհ):
Բուհական համակարգում իրականացված վերլուծությունները ցույց են տալիս, որ ամբողջ համակարգում ներգրավված ակադեմիական անձնակազմի միայն 6%-ն է հանդիսանում գիտական աշխատող, ընդ որում՝ գիտական գոնե 1 աշխատող առկա է միայն 15 բուհերում, այսինքն՝ մնացյալ 45 բուհերում կրթությունն իրականացվում է դասավանդման եղանակով և իսպառ բացակայում է հետազոտությունը որպես բարձրագույն կրթության անբաժան մաս: Բուհերում դասավանդող անձնակազմի 51%-ը չունի գիտական աստիճան։
Մանրամասները՝ տեսանյութում։
