06.12.2025 | 23:56
Կապարակնքել են Գյումրիի Յոթ Վերք եկեղեցու դռները` Փաշինյանի այցից առաջ
Վերջին տարիներին սփյուռքից մասնագետների ակտիվ ներհոսք ենք նկատում ռազմարդյունաբերության ոլորտ․ Մխիթար Հայրապետյան․ ՏԵՍԱՆՅՈՒԹ
Հասարակություն
15.05.2025 | 12:34
ԱԺ-ն արտահերթ նիստում քննարկում է ««Ռազմարդյունաբերական համալիրի մասին» օրենքում լրացում կատարելու մասին» օրենքի նախագիծը։ ՔՊ-ական պատգամավորներ Տրդատ Սարգսյանն ու Արմեն Խաչատրյանի նախագծով առաջարկվում է ՀՀ Կառավարության համար սահմանել լիազորող նորմ, որով իրավական հիմքեր կստեղծվեն ՀՀ կառավարության համար, իր որոշման համաձայն, օտարել ռազմական նշանակության արտադրանքը ՀՀ կառավարության 2016 թվականի N 920-Ն որոշմամբ սահմանված ամփոփ ցուցակում գրանցված սուբյեկտներին:
Հարակից զեկույցով հանդես եկավ բարձր տեխնոլոգիական արդյունաբերության նախարար Մխիթար Հայրապետյանը։ Նրա խոսքով՝ վերջին տարիներին Սփյուռքից մասնագետների ակտիվ ներհոսք ենք նկատում ռազմարդյունաբերության ոլորտ։
«Վերջին տարիներին Սփյուռքից մասնագետների ակտիվ հոսք ենք նկատում ռազմարդյունաբերության ոլորտի գործարաններում նոր պրոդուկտների մշակման, այսինքն՝ գիտահետազոտական և փորձարկումներում մշակումներում ներգրավվելու նպատակով։ Սփյուռքի տարբեր համայնքներից հարյուրավոր բարձր որակումներ ունեցող մասնագետներ են գալիս և ներգրավվում այդ գործողություններում։ Այս ոլորտում նրանք նաև ներդրողներ են հանդես գալիս»,- նշեց նա։
Մանրամասները՝ տեսանյութում։
