04.07.2026 | 21:07
5 քաղաքական ուժեր հայտարարել են միասնական քաղաքական օրակարգ ձևավորելու մասին
Ֆերմերները 250 մլն դրամի փոխարեն 500 մլն-ի գյուղտեխնիկա կկարողանան գնել՝ լիզինգով․ Պապոյան․ ՏԵՍԱՆՅՈՒԹ
Տնտեսություն
15.05.2025 | 11:50
Ֆերմերները 250 մլն դրամի փոխարեն 500 մլն-ի գյուղտեխնիկա կկարողանան գնել լիզինգով։ Այսօր Կառավարության նիստի ժամանակ էկոնոմիկայի նախարար Գևորգ Պապոյանը նախագիծ է ներկայացրել, որով Կառավարության 2022 թվականի հունվարի 27-ի «Հայաստանի Հանրապետությունում գյուղատնտեսական տեխնիկայի լիզինգի աջակցության ծրագիրը հաստատելու մասին» N 105–Լ որոշման մեջ փոփոխություններ և լրացումներ են նախատեսվում։
Նախագծի հիմնավորման մեջ նշվում է, որ շահագործվող գյուղատնտեսական տեխնիկայի մեծ մասն անցել է մաշվածության համար սահմանված ժամկետները: Գյուղատնտեսական արտադրությունն անհրաժեշտ չափով բավարարված չէ տեխնիկական միջոցներով` ինչպես քանակական, այնպես էլ որակական առումով:
Հայաստանում գյուղատնտեսական տեխնիկայի լիզինգի աջակցության ծրագրի շրջանակում, մեկնարկից՝ 2017 թվականի ապրիլի 1-ից մինչև 2025 թվականի մարտի 1-ը, գյուղատնտեսական տեխնիկա է ստացել 2772 լիզինգառու, որոնց տրամադրվել է 4199 միավոր գյուղատնտեսական տեխնիկա, այդ թվում՝ 1495 միավոր տրակտոր, 20 միավոր կոմբայն և 2684 միավոր այլ գյուղատնտեսական տեխնիկա: Ձեռքբերված տեխնիկայի ընդհանուր գումարը կազմել է շուրջ 22,9 մլրդ դրամ, լիզինգի գումարը՝ 18,7 մլրդ դրամ, սուբսիդավորման գումարը՝ 3,5 մլրդ դրամ:
Մանրամասները՝ տեսանյութում։
