20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Ասացին` էրեխեն ստեղ է, 50 հոգով գնացինք, դատարկ հետ եկանք. ինչ է հայտնի երեխայի անհետանալուց 10 օր անց․ ՏԵՍԱՆՅՈՒԹ
Հասարակություն
14.05.2025 | 21:04
10 օր առաջ վերջին անգամ Կոտայքի մարզի Մարմարիկ գյուղում՝ տան դիմացի փողոցում է խաղացել 2-ամյա Տիգրանը։ Դրանից հետո գյուղում բնակվող ընտանիքը երեխայի մասին որևէ տեղեկություն չունի։
Տիգրանի անհետ կորելու մասին լուրերը կայծակնային արագությամբ մայիսի 4-ին տարածվեցին։ Անցել է արդեն տասը օր, բայց երեխայի գտնվելու մասին ոչինչ հայտնի չէ։
Երեխայի՝ գետն ընկնելը հիմնական վարկածներից մեկն է։ Գետ տանող ճանապարհն անցնում է այն մեքենաների կողքով, որտեղ Տիգրանի հայրն ու պապն աշխատելիս են եղել։ Պապը՝ Վոլոդյան, վստահեցնում է՝ երեխան իրենց կողքով չի անցել ու գետի կողմ չի գնացել։ 15 րոպեից էլ քիչ ժամանակ անց պարզել են, որ Տիգրանը ո՛չ տանն է, ո՛չ հոր ու պապիկի հետ։ Տիգրանի անհետանալու դեպքն անհանգստացնում է մարմարիկցիներին։
Մայիսի 4-ից ՆԳՆ Փրկարարական ծառայությունը որոնողական աշխատանքեր է իրականացնում Մարմարիկ գյուղի և նույնանուն գետի տարածքում։ Կոտայքի մարզային փրկարարական վարչության պետն այսօր Factor TV-ին հայտնել է, որ աշխատանքներին մի քանի հարյուր փրկարար է ներգրավված։
Մարմարիկ գետը լցվում է Հրազդանում գտնվող Աղբյուրակ կոչվող ջրամաբար։ Փրկարարները որոնողական աշխատանքներ են իրականացնում նաև այնտեղ։ Կոտայքի փրկարարներին աջակցում են Գեղարքունիքի վարչությունից։ Այսօր հարևան մարզից բերված ջրի հատակը նկարահանող սարքով են որոնողական աշխատանքներն իրականացրել։
Factor TV-ի նկարահանող խումբն այսօր փրկարարների հետ արձանագրել է ստորջրյա տեսախցիկի արձանագրած կադրերը։
Մինչ փրկարարները շարունակում են որոնողական աշխատանքները, Տիգրանի հարազատները գնում են անգամ քիչ հավանական համարվող վարկածների հետևից։
Մանրամասները՝ տեսանյութում։
Նարեկ Կիրակոսյան
