12.01.2026 | 23:30
Գերմանիան և Հնդկաստանն ընդլայնում են ռազմական համագործակցությունը
Մոսկվայի դատարանը փորձագետ Գրիգորի Մելքոնյանցին դատապարտել է 5 տարվա ազատազրկման
Քաղաքականություն
14.05.2025 | 20:24
Մոսկվայի Բասմանի դատարանը «Գոլոս» ընտրությունների դիտորդական շարժման համանախագահ Գրիգորի Մելքոնյանցին դատապարտել է 5 ժամկետով ազատազրկման ընդհանուր ռեժիմի ուղղիչ գաղութում՝ «անցանկալի» ոչ կառավարական կազմակերպության աշխատանքը կազմակերպելու մեղադրանքով (Քրեական օրենսգրքի 284.1 հոդվածի 3-րդ մաս): Այս մասին դատարանի դահլիճից հաղորդել է Mediazona-ի թղթակիցը, փոխանցում է Meduza-ն։
Մելքոնյանեցին նաև, պատիժը կրելուց հետո, արգելվել է 9 տարի զբաղվել հասարակական գործունեությամբ։
Դատարանը Մելքոնյանցի նախնական կալանքի կենտրոնում անցկացրած ժամանակը հաշվարկել է «մեկ օրը՝ մեկուկեսի դիմաց» բանաձևով, այսինքն՝ 5 տարուց նա արդեն «կրել է» պատժի 2,5 տարուց մի փոքր ավելին։
Մեղադրող կողմը Մելքոնյանցի համար պահանջել է այս հոդվածով առավելագույն պատիժը՝ 6 տարվա ազատազրկում։
«Ես չեմ հուսահատվում։ Դուք ևս մի՛ հուսահատվեք»,- դատավճռի հրապարակումից հետո ասել է Մելքոնյանցը դատարանի դահլիճում հավաքվածներին։
Գրիգորի Մելքոնյանցը կալանքի տակ է 2023 թվականի օգոստոսից։ Նրա դեմ հարուցված քրեական գործը կապված է «Ընտրությունների մոնիթորինգի եվրոպական ցանցի» (ENEMO) գործունեության հետ, որը համահիմնադրվել է «Գոլոս» ասոցիացիայի կողմից։
2021 թվականի սեպտեմբերին ENEMO-ն հայտարարվել է «անցանկալի» կազմակերպություն Ռուսաստանում։ Միևնույն ժամանակ, ո՛չ «Գոլոս» շարժումը, ո՛չ էլ դրա նախորդ միավորումը, որը լուծարվել է «օտարերկրյա գործակալների» գրանցամատյանում ընդգրկվելուց հետո, Ռուսաստանի իշխանությունների կողմից երբեք չեն հայտարարվել «անցանկալի» կազմակերպություններ։ Երբ ENEMO-ն հայտարարվել է «անցանկալի», «Գոլոս» միավորումն այլևս գոյություն չուներ, իսկ համանուն հասարակական շարժումը ENEMO-ի անդամ չէ։
Պետական մեղադրողի ներկայացուցիչը հայտարարել է, որ «Գոլոս» շարժումը ստեղծվել է ENEMO-ի մաս կազմող համանուն միավորման «հիմքի վրա», որը հետագայում հայտարարվել է «անցանկալի»։
Թարգմանությունը՝ Էմմա Չոբանյանի
