13.01.2026 | 12:45
ՀՅԴ-ն 2026-ի ընտրություններին մասնակցելու է դաշինքով. Իշխան Սաղաթելյան․ ՏԵՍԱՆՅՈՒԹ
Ալեն Սիմոնյանին որ դուրս շպրտեմ, բարձր է նստած՝ շատ ցավոտ է լինելու․ Լևոն Քոչարյան․ ՏԵՍԱՆՅՈՒԹ
Քաղաքականություն
14.05.2025 | 13:48
ԱԺ նիստում, որտեղ քննարկվում էր ՄԻՊ տարեկան զեկույցը, «Հայաստան» խմբակցության պատգամավոր Լևոն Քոչարյանն անդրադարձավ Նիկոլ Փաշինյանի հայտարարությանը։
«Ասում է՝ մարդկանց հետ հանդիպումների ընթացքում հարցնում են՝ ինչո՞ւ Ռոբերտ Քոչարյանը բանտում չէ: Բա գիտե՞ք մեզ հետ հանդիպումների ընթացքում մարդիկ ինչ են ասում: Հարցնում են՝ ինչո՞ւ են դեռ այդ անհայրենիք դավաճաններն իշխանության»,- հայտարարեց Քոչարյանը։
Նա անդրադարձավ նաև Փաշինյանի՝ նախկին նախագահների բանավեճի հրավիրելու թեմային՝ ասելով․ «Նիկոլ Փաշինյանը շատ լավ հասկանում է, որ խելքը գլխին մարդը չի գալու, չի բանավիճելու։ Դուք լուրջ մտածում եք, որ հայրս, որը 2008 թվականից նախագահ չի հանդիսացել, պետք է գա և բանավիճի նրա շուրջ, թե 2023-ին Արցախն ո՞վ է հանձնել»։
Լևոն Քոչարյանը հիշեցրեց նաև ԱԺ նախագահ Ալեն Սիմոնյանի խոսքերը, երբ վերջինս ընդդիմադիր պատգամավորներից մեկին ասել էր՝ «ԱԺ դահլիճից դուրս կշպրտի։ Ի պատասխան՝ ընդդիմադիր պատգամավորը հայտարարեց․ «Ալեն Սիմոնյանը թող իմանա և ուշադիր լինի, երբ իրեն դուրս շպրտեմ էնտեղից, բարձր է նստած՝ շատ ցավոտ է լինելու»։
Քոչարյանի հայտարարություններին արձագանքեց ԱԺ փոխնախագահ Հակոբ Արշակյանը, ինչից հետո դահլիճում կրքերը թեժացան, իշխանական և ընդդիմադիր պատգամավորների միջև հրմշտոց սկսվեց։
Մանրամասները՝ տեսանյութում։
