18.12.2025 | 19:26
Պապիկյանը ՆԱՏՕ-ի գլխավոր քարտուղարի տեղակալի հետ քննարկել է գործընկերության ընթացքը և զարգացման հեռանկարները
«Կարող եմ ծափ տալ, պարեք», «Դե հլը ծափ տուր տենամ». լեզվակռիվ՝ ԱԺ-ում․ ՏԵՍԱՆՅՈՒԹ
Քաղաքականություն
14.05.2025 | 12:10
ԱԺ նիստում, որտեղ քննարկվում է ՄԻՊ տարեկան զեկույցը, ընդդիմադիր «Հայաստան» խմբակցության պատգամավոր Արթուր Խաչատրյանը հայտարարեց, թե իշխանության նպատակլը կոռուպցիայի դեմ պայքարը չէ, այլ ցույց տալ, որ կա նման խնդիր։
Անդրադառնալով ընդդիմության հասցեին հնչեցված քննադատություններին՝ Խաչատրյանն ասաց․ «Ձեր ֆրակցիայի ղեկավարն ասում է՝ դուք քաղաքական հայդուկ եք, դուք էլ քաղաքական քամելեոն եք»:
Դահլիճից «Քաղաքացիական պայմանագիր» խմբակցության քարտուղար Արթուր Հովհաննիսյանն արձագանքեց․ «Դուք «Ժիգուլի» եք»։
Ի պատասխան՝ Արթուր Խաչատրյանը հայտարարեց․ «էն որ «02» էիք բրդում, դրա մասի՞ն եք խոսում: Հետաքրքիր է՝ այն մարդը, որ ժիգուլի էր բրդում, ինքը հիմա «Մերսեդես» քշո՞ւմ է, թե՝ չէ: Դուք մի նախարար ունեիք, որ մինչև նախարար դառնալը փող չուներ, հեռուստացույցն ապառիկով էր առնում, հետո կարծեմ 250 հազարով տուն առավ, մի մասը հիփոթեքով»։
Դահլիճից ՔՊ-ական պատգամավորները տեղից արձագանքում էին, իսկ Խաչատրյանը նիստը վարող ԱԺ փոխնախագահ Ռուբեն Ռուբինյանին դիմեց՝ հորդորելով չթողնել, որ բանավեճի վերածվի:
«Չենք խրախուսում, բայց Դուք էլ եք տեղից խոսում»,- պատասխանեց ԱԺ նիստը վարող Ռուբինյանը։
Մանրամասները՝ տեսանյութում։
