08.08.2026 | 15:38
Ողջույն Հայաստան. NVIDIA-ի հիմնադիր Ջենսեն Հուանգը շնորհավորել է Firebird-ի ԱԲ գործարանի բացման առիթով
Ադրբեջանին պետք են ինչպես Սյունիքով ճանապարհը, այնպես էլ Իրանով․ Ռաուֆ Աղամիրզաև․ ՏԵՍԱՆՅՈՒԹ
Քաղաքականություն
13.05.2025 | 18:30
Ռուս-ուկրաինական պատերազմից հետո Հարավային Կովկասի կոմունիկացիաների նկատմամբ հետաքրքրությունը Եվրոպայում և Չինաստանում աճել է, կարծում է տրանսպորտի և հաղորդակցությունների հարցերով ադրբեջանցի փորձագետ Ռաուֆ Աղամիրզաևը։
Նա կարծում է, որ Հայաստանում տիրող պատկերացումները, որ Ադրբեջանը փորձում է գրավել ՀՀ Սյունիքի մարզը (փորձագետը գործածում է Զանգեզուր անվանումը) և «միջանցք» ստանալ, չեն համապատասխանում իրականությանը։ Ըստ նրա՝ ադրբեջանական կողմը կանգ չի առնում միայն մեկ երթուղու ընտրության վրա (Իրանի կամ Հայաստանի միջոցով) և ցանկանում է օգտագործել ինչպես Մեղրիով ճանապարհը, այնպես էլ Արաքսի իրանական ափը։ Ընդ որում, Աղամիրզաևի պնդմամբ, եթե Նախիջևան տարվելիք բեռների համար Բաքուն անխոչընդոտ հասանելիություն է ուզում, ապա միջազգային բեռների համար պետք է լինեն բոլոր գործընթացները։
Փորձագետը կարծում է՝ Հայաստանն ու Ադրբեջանը պետք է համաձայնություն ձեռք բերեն առևտրատնտեսական կապերի հաստատման և հաղորդակցությունների բացման հարցում։
«Առևտուր անելն ավելի լավ է, քան պատերազմելը»,- եզրափակում է ադրբեջանցի փորձագետը։
Հարցազրույցն ամբողջությամբ՝ տեսանյութում։
Սամվել Մելիքսեթյան
