18.02.2026 | 17:53
Հրադադարի մեխանիզմը գրեթե համաձայնեցված է, բայց քաղաքական հարցերում «առաջընթաց չի եղել». Զելենսկի
Ֆիդանը հայտարարել է, որ ՌԴ-ն և Ուկրաինան առաջիկայում կհանդիպեն
Քաղաքականություն
12.05.2025 | 18:09
Թուրքիայի նախագահ Ռեջեփ Թայիփ Էրդողանն անընդհատ խաղաղության և հրադադարի կոչ է անում։ Կան փոխզիջման որոնումներ։ Թուրքիան փորձում է իր դերակատարումն ունենալ։ Այս մասին հայտարարել է Թուրքիայի ԱԳ նախարար Հաքան Ֆիդանը՝ անդրադառնալով ՌԴ-Ուկրաինա խաղաղության գործընթացին, գրում է Hurriyet-ը։
«Նախագահ Էրդողանը հանդիպումներ է ունեցել աշխարհի առաջնորդների հետ, քննարկումներ են տեղի ունեցել պարոն Մակրոնի և Պուտինի հետ։ Մենք ձգտում ենք խնդիրների խաղաղ կարգավորման։ Սա մեր նախագահի տեսլականն է։ Կարծում եմ՝ կողմերը կհանդիպեն առաջիկա օրերին։ Ռուսները նախ բանակցություններ են ուզում, ապա՝ հրադադար, մինչդեռ ուկրաինացիները նախ հրադադար են ուզում, ապա՝ բանակցություններ։ Երկու կողմերն էլ ցանկանում են ստանալ ԱՄՆ-ի աջակցությունը։ Մեր դիրքորոշումը հաստատուն է։ Մենք ուզում ենք, որ հրադադար հաստատվի»,- ասել է թուրք պաշտոնյան։
Հիշեցնենք, որ մայիսի 10-ին Ուկրաինայի իշխանությունները հայտարարել էին, որ պատրաստ են «լիակատար և անվերապահ հրադադարի ցամաքում, օդում և ծովում առնվազն 30 օրով», որը կսկսվի մայիսի 12-ից։ Մայիսի 11-ի գիշերը Ռուսաստանի նախագահ Վլադիմիր Պուտինն առաջարկել էր մայիսի 15-ին Ստամբուլում ուղիղ բանակցություններ սկսել։ Ուկրաինան և նրա եվրոպացի դաշնակիցները հայտարարել են, որ Ռուսաստանը նախ պետք է համաձայնի 30-օրյա հրադադարի՝ նախքան բանակցությունների մեկնարկը։ ԱՄՆ նախագահ Դոնալդ Թրամփն իր հերթին կոչ էր արել Ուկրաինային հնարավորինս շուտ բանակցություններ սկսել Ռուսաստանի հետ։ Ուկրաինայի նախագահ Վլադիմիր Զելենսկին հայտարարել էր, որ պատրաստ է անձամբ հանդիպել Պուտինի հետ Ստամբուլում։
Լրատվամիջոցներն էլ ավելի վաղ հայտնել էին, որ Զելենսկին մայիսի 15-ին կգնա Թուրքիա՝ հնարավոր բանակցությունների, նույնիսկ եթե ՌԴ-ն հրաժարվի մայիսի 12-ի հրադադարից։
Թարգմանությունը՝ Էմմա Չոբանյանի
