Քաղաքականություն
12.05.2025 | 21:27
Ադրբեջանում Իսրայելի դեսպան Ջորջ Դիքը հայտարարել է, որ իր պաշտոնավարման ժամկետը կավարտվի առաջիկա ամիսներին։ Նա դեսպանի պաշտոնը զբաղեցնում է 2018 թվականից։ Դիվանագետն այս մասին հայտնել է ադրբեջանական APA-ի հարցմանն ի պատասխան։
Նա նշել է, որ մեկ կամ երկու ամսից կհեռանա Ադրբեջանից։
«Իմ ժամկետի ավարտի մասին տարածված տեղեկատվություններին հակառակ՝ ես դեռ շատ անելիքներ ունեմ: Ես այս ամառ որոշ ժամանակ կմնամ պաշտոնում»,- հավելել է դիվանագետը։
Դիքը նաև հավելել է, որ այդ կապակցությամբ պաշտոնական հայտարարություն կարվի։
Հավելենք, որ ավելի վաղ լրատվամիջոցներում տեղեկություններ էին տարածվել, որ Ադրբեջանում Իսրայելի նոր դեսպան է նշանակվել Ռոնեն Կրաուսը։ Նա նախկինում զբաղեցրել է Իսրայելի ԱԳ նախարարության Եվրասիական դեպարտամենտի տնօրենի պաշտոնը և շարունակելու է Ջորջ Դիքի՝ իսրայելա-ադրբեջանական հարաբերությունների զարգացման ուղղությունը։
Թարգմանությունը՝ Էմմա Չոբանյանի
