07.10.2026 | 23:48
Արթուր Դանիելյանը կալանավորվեց
Զելենսկին արձագանքել է Պուտինին․ «Սա լավ նշան է»
Քաղաքականություն
11.05.2025 | 12:01
Ուկրաինայի նախագահ Վլադիմիր Զելենսկին հայտարարել է, որ Ուկրաինան պատրաստ է հանդիպման, երբ Ռուսաստանը հաստատի մայիսի 12-ից սկսած լիակատար հրադադարը:
Նա Telegram-ի իր ալիքում գրել է․ «Սա լավ նշան է, որ ռուսներն ի վերջո սկսել են մտածել պատերազմի ավարտի մասին։ Աշխարհում բոլորը վաղուց էին դրան սպասում։ Եվ ցանկացած պատերազմի իրական ավարտի առաջին քայլը կրակի դադարեցումն է։
Անիմաստ է շարունակել սպանությունները նույնիսկ մեկ օրով։ Սպասում ենք, որ Ռուսաստանը կհաստատի կրակի դադարեցումը՝ ամբողջական, երկարաժամկետ և վստահելի՝ սկսած վաղվանից՝ մայիսի 12-ից, և Ուկրաինան պատրաստ կլինի հանդիպման»։
Հիշեցնենք՝ Պուտինն առաջարկել է Ուկրաինային մայիսի 15-ին Ստամբուլում առանց նախապայմանների ուղիղ բանակցություններ անցկացնել պատերազմը դադարեցնելու վերաբերյալ։
Նա հայտարարել է, որ երկուշաբթի՝ մայիսի 12-ին, խոսելու է Թուրքիայի նախագահ Ռեջեփ Թայիփ Էրդողանի հետ, հեռախոսազրույցի ընթացքում Ռուսաստանի նախագահը նախատեսում է խնդրել իր թուրք գործընկերոջը բանակցությունները անցկացնել Ստամբուլում: Պուտինը ավելի վաղ չի մեկնաբանել Ուկրաինայի իշխանությունների առաջարկը՝ մայիսի 12-ից սկսվող 30-օրյա հրադադարի վերաբերյալ։
