07.10.2026 | 23:48
Արթուր Դանիելյանը կալանավորվեց
Ալբանիայում խորհրդարանական ընտրություններ են անցկացվում
Քաղաքականություն
11.05.2025 | 11:14
Ալբանիայում այսօր՝ մայիսի 11-ին, անցկացվում են միապալատ խորհրդարանի ընտրություններ, որոնք համարվում են բալկանյան երկրի՝ ԵՄ անդամակցության ճանապարհին կարևոր փորձություն։ Ընտրատեղամասերը բաց են ժամը 7:00-ից մինչև 19:00-ը (Երևանի ժամանակով ժամը 09:00-ից մինչև 21:00-ը), փոխանցում է Reuters-ը։
Հիմնական պայքարը սոցիալիստների և պահպանողականների միջև է։ Կառավարության ներկայիս ղեկավար, Ալբանիայի սոցիալիստական կուսակցության (ԱՍԿ) առաջնորդ Էդի Ռաման հույս ունի վերընտրվել։ 60-ամյա քաղաքական գործիչը, որը կառավարում է երկիրը 2013 թվականից, հայտարարել է, որ մտադիր է շարունակել ջանքերը՝ 2030 թվականին երկիրը Եվրամիությանը միացնելու համար։
Նրա գլխավոր մրցակիցը Ալբանիայի նախկին նախագահ և նախկին վարչապետ, Դեմոկրատական կուսակցության առաջնորդ Սալի Բերիշան է։ 80-ամյա պահպանողականը գլխավորում է ընդդիմադիր դաշինքը, որը ընտրություններին մասնակցում է «Մեծ Ալբանիա» կարգախոսով, ինչը զուգահեռներ է անցկացնում ԱՄՆ նախագահ Դոնալդ Թրամփի նախընտրական քարոզարշավի հետ, նշում է AFP-ն։ Բերիշան ձգտում է վերադառնալ իշխանության 12 տարի ընդդիմադիր գործունեությունից հետո։
Նշենք, որ վերջինիս անունը կապվում է նաև որոշ կոռուպցիոն գործերի հետ, որոնք քննվում են երկրում։ 2021 թվականին Միացյալ Նահանգները նրա դեմ պատժամիջոցներ է կիրառել կաշառակերության և ապօրինի հարստացման կասկածանքով։
