07.10.2026 | 23:48
Արթուր Դանիելյանը կալանավորվեց
NYT. Թրամփի օրոք՝ առաջին անգամ. Վաշինգտոնը հաստատել է նոր զենքերի վաճառքը Ուկրաինային
Քաղաքականություն
11.05.2025 | 10:48
Միացյալ Նահանգները Գերմանիային թույլատրել է Ուկրաինա տեղափոխել 125 հեռահար հրետանային հրթիռներ և 100 Patriot հակաօդային պաշտպանության հրթիռներ, շաբաթ օրը՝ մայիսի 10-ին, հաղորդել է The New York Times-ը (NYT)՝ հղում անելով ԱՄՆ Կոնգրեսի աղբյուրին։ Հրատարակությունը նշում է՝ այն զինամթերքը, որն արտադրվում է Միացյալ Նահանգներում, չի կարող արտահանվել առանց ամերիկյան կառավարության թույլտվության, նույնիսկ եթե այն պատկանում է մեկ այլ երկրի։
Նշենք, որ սա առաջին անգամն է, երբ Թրամփի օրոք ԱՄՆ Պետդեպարտամենտը հաստատում է Կիևին զենքի վաճառքը։ Ապրիլի 29-ին ԱՄՆ Կոնգրեսի վերին պալատի կայքում հրապարակվել է մի փաստաթուղթ, որում նշվում է, որ ԱՄՆ Պետդեպարտամենտը թույլատրել է Կիևին «պաշտպանական արտադրանքի, այդ թվում՝ տեխնիկական տվյալների», ինչպես նաև 50 միլիոն դոլար կամ ավելի արժողությամբ «պաշտպանական ծառայությունների» մատակարարումը։
Ուկրաինական Kyiv Post-ը մայիսի 1-ին նույն բանը հաղորդել է՝ հղում անելով դիվանագիտական աղբյուրներին։ Լրագրողները նշել են, որ սա Դոնալդ Թրամփի Սպիտակ տուն վերադառնալուց ի վեր առաջին նման թույլտվությունն է։
Նշվում է նաև, որ Գերմանիայի կառավարությունը կփակի Կիևին զենքի մասին տեղեկատվությունը։ Ուրբաթ՝ մայիսի 9-ին, Reuters-ը, հղում անելով աղբյուրին, հաղորդել է, որ Գերմանիայի նոր կառավարությունը մտադիր է կրճատել Ուկրաինային զենքի համակարգերի մատակարարման վերաբերյալ հրապարակվող տեղեկատվության քանակը։ Գործակալության աղբյուրը հայտնել է՝ դրա նպատակն է տվյալների հրապարակման ժամանակ «ռազմավարական երկիմաստության» հասնելը, որպեսզի Ռուսաստանը պատերազմում ռազմավարական առավելություն չստանա։
