24.06.2026 | 18:34
Երևանում ավելի քան 5 ամիս փակ կլինի Արին Բերդ փողոցի ճանապարհահատվածներից մեկը
Մակրոնը, Մերցը, Տուսկն ու Ստարմերը ժամանել են Կիև
Քաղաքականություն
10.05.2025 | 13:05
Մայիսի 10-ին Գերմանիայի կանցլեր Ֆրիդրիխ Մերցը Ֆրանսիայի նախագահ Էմանուել Մակրոնի, Լեհաստանի և Մեծ Բրիտանիայի վարչապետներ Տուսկի և Ստարմերի հետ միասին ժամանել է Կիև․ գրում է UNN-ը։
Հիշեցնենք, որ Գերմանիայի դաշնային կառավարությունը հայտարարել էր Ուկրաինային ռազմական օգնության ևս մեկ փաթեթ տրամադրելու մասին։ Այն ներառում է ժամանակակից զենքի լայն տեսականի, զրահատեխնիկա, հակաօդային պաշտպանության հրթիռներ, անօդաչու թռչող սարքեր և ինժեներական սարքավորումներ։
Իսկ ապրիլին Մերցը հայտարարել էր, որ միշտ կողմ է եղել Taurus հրթիռները Ուկրաինա տեղափոխելուն, բայց միայն այն պայմանով, որ դա համաձայնեցվի դաշնակիցների հետ։
Գերմանիայում Ուկրաինայի դեսպան Ալեքսեյ Մակեևը հայտարարել է, որ ակնկալում է, որ կանցլեր Ֆրիդրիխ Մերցը Կիև այցի ժամանակ կխոստանա Ուկրաինային նոր զենքի մատակարարումներ։
