24.06.2026 | 15:19
Ֆրանսիայում Էբոլայով վարակման առաջին դեպքն է հաստատվել
ԵՄ-ն Ուկրաինային 1,9 միլիարդ եվրո կհատկացնի ռուսական սառեցված ակտիվներից
Քաղաքականություն
09.05.2025 | 20:27
Ուկրաինայի վարչապետ Դենիս Շմիգալը հայտարարել է, որ Եվրամիությունը Կիևին 1,9 միլիարդ եվրո կհատկացնի ռուսական սառեցված ակտիվներից։ Հատկացված գումարից մեկ միլիարդ եվրոն կօգտագործվի ուկրաինացի արտադրողներից զենք գնելու համար։
«Հատուկ շնորհակալություն Դանիային, Ֆրանսիային, Նիդերլանդներին և Իտալիային, որոնք կիրականացնեն մեկ միլիարդ եվրո արժողությամբ ուկրաինական զենքի գնումը», – գրել է Շմիգալը տելեգրամի իր ալիքում։
Բացի այդ, ավելի քան 600 միլիոն եվրո կհատկացվի հրետանու և զինամթերքի համար, իսկ 200 միլիոն եվրո կծախսվի Ուկրաինայի հակաօդային պաշտպանության ամրապնդման վրա։
Նախօրեին էլ հայտնի էր դարձել, որ Եվրահանձնաժողովը Ուկրաինային է փոխանցել մակրոֆինանսական օգնության չորրորդ տրանշը՝ մեկ միլիարդ եվրոյի չափով։
Ռուսաստանի կողմից Ուկրաինա ներխուժման սկսվելուց ի վեր ԱՄՆ-ը, ԵՄ-ն և այլ երկրներ պատժամիջոցներ են կիրառել ու սառեցրել Ռուսաստանի և ռուս օլիգարխների մոտ 260 միլիարդ եվրոյի ակտիվներ։ Ռուսաստանի Ֆինանսների նախարարությունը 2022 թվականին սառեցված ակտիվների ծավալը գնահատել է մոտավորապես 300 միլիարդ դոլար։
Reuters-ի տվյալներով՝ Արևմուտքում կենտրոնացված բոլոր ռուսական ակտիվների մոտ 70%-ը պահվում է Բելգիայի Euroclear կենտրոնական արժեթղթերի դեպոզիտարիայում։ Խոսքը Ռուսաստանի Կենտրոնական բանկի արժեթղթերի և կանխիկի մասին է, որը համարժեք է 190 միլիարդ եվրոյի (204,67 միլիարդ դոլար):
Թարգմանությունը՝ Էմմա Չոբանյանի
