13.01.2026 | 12:45
ՀՅԴ-ն 2026-ի ընտրություններին մասնակցելու է դաշինքով. Իշխան Սաղաթելյան․ ՏԵՍԱՆՅՈՒԹ
Վաճառվում է «Ստալին», գինը՝ 4 միլիոն 250 հազար դրամ. բռնապետը՝ հայկական արտադրանքի բրենդ․ ՏԵՍԱՆՅՈՒԹ
Տնտեսություն
09.05.2025 | 19:45
Ստալինը՝ Կոմիտասի, Պարույր Սևակի ու Աշոտ Երկաթի կողքին․ սյուրռեալիստական այս պատկերին կարելի է ականատես լինել սուպերմարկետներում և առևտրի խոշոր կետերում։ «ՍՏԱԼԻՆ 80»-ը ՄԱՊ ընկերության սահմանափակ հավաքածուի ամենաերկար հնեցման կոնյակներից մեկն է։ Այն արժե 4 միլիոն 250 հազար դրամ։
Թե ինչու է հայկական արտադրողը հազարավոր խոշոր մտավորականների ու հասարակ քաղաքացիների կյանքից զրկած կամ Սիբիր աքսորած, Լեռնային Ղարաբաղը Խորհրդային Ադրբեջանի կազմ մտցրած բռնապետի պատվին էլիտար կոնյակ անվանակոչել, Factor TV-ին պարզվել չհաջողվեց․ ՄԱՊ-ի տնօրինությունը սկզբում խոստացավ պատասխանել մեր հարցերին, բայց շաբաթներ շարունակ մեզ այդպես էլ չհաջողվեց կապ հաստատել ընկերության ղեկավար կազմի հետ։
Սոցիալական ցանցերի օգտատերերն ու հանրային գործիչները տարակուսած են։
«Պատերազմում հաղթանակը մի մարդու, մի գործչի չի պատկանում, այդ հաղթանակը ձեռք է բերվել խորհրդային ժողովրդի միահամուռ ուժերով, բազմաթիվ զոհերի և կորուստների գնով։ Հաղթանակը չպիտի պայմանավորել Ստալինի անձով»,- նշում է պատմական գիտությունների թեկնածու Արման Մալոյանը։
Արձակագիր, գրականագետ Գևորգ Տեր-Գաբրիելյանը նկատում է՝ հանրությունը մարքեթինգային նպատակներով հաճախ է մանիպուլյիացիաների ենթարկվում՝ հիշեցնելով «Պուտինկա» անունով օղու օրինակը։ Նրա խոսքով՝ իշխանությանը, նույնիսկ արյունարբու իշխողին հերոսացնելու միտումը բավական մեծ տարածում ունի աշխարհում և ակտիվորեն կիրառվում է նաև մարքեթինգում։
Մանրամասները՝ տեսանյութում։
Աննա Բաբաջանյան
