04.06.2026 | 14:03
Իսրայելի պաշտպանության նախարարը հայտարարել է Լիբանանում գործողությունները շարունակելու մասին՝ չնայած հրադադարի համաձայնագրին
Մեր հարաբերությունները երբեք այսքան սերտ չեն եղել․ ԵՄ դեսպանը՝ Հայաստան-ԵՄ գործընկերության մասին. ՏԵՍԱՆՅՈՒԹ
Քաղաքականություն
09.05.2025 | 18:21
«Մեր հարաբերությունները երբեք այսքան սերտ չեն եղել»,- Եվրոպայի օրվան նվիրված միջոցառման ժամանակ ասաց ԵՄ դեսպան Վասիլիս Մարագոսը Հայաստան-ԵՄ գործընկերության մասին։
«Քիչ են այն օրինակները, երբ Եվրամիությունն այսքան կարճ ժամանակում այսպիսի ինտենսիվությամբ խորացրել է ներգրավվածությունը որևէ երկրի հետ։ Այս կարճ ժամանակաշրջանում մեր հարաբերությունները արագորեն խորացել ու ընդլայնվել են՝ ընդգրկելով համագործակցության նոր ոլորտներ», – նշեց ԵՄ դեսպանը։
Մարագոսը շեշտեց՝ Հայաստանին առաջին անգամ տրամադրվել է աջակցություն Եվրոպական խաղաղության գործիքի շրջանակում, ինչպես նաև՝ զգալիորեն ավելացվել է ԵՄ ֆինանսական աջակցության փաթեթը՝ հատուկ մշակված դիմակայունության և աճի ծրագրի միջոցով։
«Այն նպատակ ունի նպաստել Հայաստանի սոցիալ-տնտեսական կայունությանը, կապերի ամրապնդմանը, առևտրի և էներգետիկ բազմազանության խթանմանը։ Այս նպատակի համար տրամադրել ենք 270 մլն եվրո բյուջե, և ծրագիրը նախատեսված է իրականացնել 2024-2027 թվականների ընթացքում։ Այն հաջողությամբ իրականացվում է սահմանված ցուցանիշներին համապատասխան», – ասել է ԵՄ դեսպանը։
Մանրամասները՝ տեսանյութում։
