09.06.2026 | 23:19
Կանանց Հայաստանի հավաքականը 0:6 հաշվով պարտվեց Բելառուսին. ՏԵՍԱՆՅՈՒԹ
Տնտեսության ոլորտում Նոբելյան մրցանակի են արժանացել ամերիկացի երկու գիտնականներ
Հասարակություն
08.10.2018 | 17:29
Նոբելյան հանձնաժողովը հրապարակել է տնտեսության ոլորտում մրցանակի արժանացած գիտնականների անունները. 2018 թվականին մրցանակը շնորհվել է երկու ամերիկացիների՝ Յեյլի համալսարանից Ուիլյամ Նորդհաուսին և Նյու Յորքի Stern School of Business-ից Փոլ Ռոմերին:
«Վեդոմոստի»-ի հաղորդմամբ՝ այս մասին Ստոքհոլմում հայտնել է Շվեդիայի գիտությունների թագավորական ակադեմիան:
Նորդհաուսը մրցանակին արժանացել է «երկարաժամկետ մակրոտնտեսական վերլուծությունում կլիմայի փոփոխության ինտեգրման հետազոտության համար», Ռոմերը՝ «երկարաժամկետ մակրոտնտեսական վերլուծությունում տեխնոլոգիական ինովացիաների ինտեգրման հետազոտության համար»:
Ուիլյամ Նորդհաուսն ու Փոլ Ռոմերը մրցանակն ու 1 մլն դոլարի չափով պարգևը կստանան հոկտեմբերի 10-ին Ստոքհոլմում: Նույն օրը տեղի կունենա նաև մյուս ոլորտներում մրցանակի արժանացածների պարգևատրումը:
Բացառություն է միայն Խաղաղության Նոբելյան մրցանակը, որը, Ալֆրեդ Նոբելի կամքով, հանձնում են Նորվեգիայի մայրաքաղաք Օսլոյում:
Հիշեցնենք, որ 2018 թվականին Խաղաղության Նոբելյան մրցանակի են արժանացել վիրաբույժ Դենիս Մուկվեգեն և իրավապաշտպան Նադյա Մուրադը:
