24.06.2026 | 20:10
Զինվորի տունը՝ նաև երեխաների համար․ վերականգնողական նոր բաժանմունք է բացվել. ՏԵՍԱՆՅՈՒԹ
Հայտնի է Հռոմի նոր Պապի անունը
Քաղաքականություն
08.05.2025 | 21:24
Հռոմի նոր Պապի անունը հայտարարվել է Սուրբ Պետրոսի տաճարի կենտրոնական պատշգամբից: Հռոմի նոր Պապ է ընտրվել 69-ամյա կարդինալ Ռոբերտ Ֆրենսիս Պրևոն ԱՄՆ-ից։ Հռոմի նոր Պապն ընդունել է Լևոն 14-րդ անունը։
Մի քանի րոպե անց պատշգամբում հայտնվել է նաև նոր հովվապետը։ Լևոն 14-րդը ելույթ է ունեցել՝ շնորհակալություն հայտնելով Ֆրանցիսկոս պապին և հայտարարել մարդկանց միջև կամուրջներ կառուցելու անհրաժեշտության մասին:
«Մարդիկ Քրիստոսի կարիքն ունեն որպես կամուրջ, որով նրանք կարող են գալ դեպի Աստված և նրա սերը։ Օգնիր մեզ և եկեք օգնենք միմյանց կամուրջներ կառուցել», – հայտարարել է քահանայապետը։
Նրա ընտրվելու մասին լուրին անմիջապես արձագանքել է ԱՄՆ նախագահ Դոնալդ Թրամփը։
«Շնորհավորում եմ կարդինալ Ռոբերտ Ֆրենսիս Պրևոյին, որը նոր Պապ է ընտրվել։
Մեծ պատիվ է հասկանալ, որ նա առաջին ամերիկացի Պապն է։ Շատ ուրախալի է և մեծ պատիվ մեր երկրի համար», – գրել է Սպիտակ տան ղեկավարը Truth Social սոցցանցի իր էջում։
Ավելի վաղ տեղեկացրել էինք, որ Սիքստինյան կապելլայի ծխնելույզից սպիտակ ծուխ է բարձրացել, ինչը նշանակում է, որ կոնկլավի համար հավաքված կարդինալները նոր քահանայապետ են ընտրել:
