22.06.2026 | 23:26
Մեսին հաղթանակ պարգևեց Արգենտինային ու դարձավ աշխարհի առաջնությունների պատմության լավագույն ռմբարկուն. ՏԵՍԱՆՅՈՒԹ
Հնարավոր է՝ ԱԺ չգնամ այլևս. Ալիկ Սարգսյանը՝ ՀՀԿ-ն լքելու մասին
Քաղաքականություն
08.10.2018 | 15:47
Ազգային ժողովի ՀՀԿ խմբակցության պատգամավոր Ալիկ Սարգսյանը հայտարարում է՝ ժամանակավորապես դադարեցրել է իր գործունեությունը և հնարավոր է՝ այլևս խորհրդարան չգնա: Factor.am-ի հարցին ի պատասխան՝ պատգամավորն ասաց՝ արդեն մեկ շաբաթից ավել է՝ ինչ ԱԺ չի գնացել:
«Դեռևս որևէ քայլ չեմ կատարել, բայց շաբաթից ավել է՝ ինչ Ազգային ժողով չեմ գնացել և չեմ մասնակցել որևէ բանի»,- շարունակեց Ալիկ Սարգսյանը:
Մեր հստակեցնող հարցին՝ այսինքն դո՞ւրս է գալիս խմբակցությունից, նախկին ոստիկանապետն առանց ժամկետներ մատնանշելու ասաց, որ ավելի ուշ հանդես կգա հայտարարությամբ:
Հիշեցնենք, որ վերջին շրջանում Ալիկ Սարգսյանը բազմիցս ակնարկել է ՀՀԿ խմբակցությունը լքելու մասին՝ միևնույն ժամանակ շեշտելով, որ ինքն այդ առումով սպասողական վիճակում է:
