Սիրիայի նախագահն առաջին եվրոպական այցի շրջանակում ժամանել է Փարիզ՝ Մակրոնի հետ հանդիպման 

Լուրեր

21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
21.11.2026 | 15:35
Վաղը պաշտոնապես կազդարարենք ԹՐԻՓՓ նախագծի մեկնարկը․ Նիկոլ Փաշինյան
21.11.2026 | 15:08
Նոյեմբերի 22-ին և 25-ին Հայաստանում սպասվում են ինտենսիվ տեղումներ և ուժեղ քամի
21.11.2026 | 14:52
ՀՖՖ նախագահի պաշտոնում առաջադրվել է երկու թեկնածու
Բոլորը

Սիրիայի անցումային նախագահ Ահմեդ ալ-Շարաան չորեքշաբթի ժամանել է Փարիզ։ Սիրիական SANA պետական գործակալության հաղորդմամբ՝ դեկտեմբերին երկարամյա ղեկավար Բաշար ալ-Ասադի տապալումից հետո սա ղեկավարի առաջին այցն է Եվրոպա։

France 24-ը նշում է, որ Շարաան Ֆրանսիայի մայրաքաղաք է ժամանել պատվիրակության հետ այսօր ավելի ուշ հանդիպելու Ֆրանսիայի նախագահ Էմանուել Մակրոնի հետ։ Սիրիական պատվիրակության կազմում, բացի արտաքին գործերի նախարար Ասաադ ալ-Չիբանիից, ընդգրկվել է նաև երկրի արտակարգ իրավիճակների նախարար Ռաեդ ալ-Սալեհը։

Այցը տեղի է ունենում այն ​​ժամանակ, երբ Սիրիայի նոր իշխանությունները, որոնք արմատներ ունեն «Ալ-Քաիդա» ջիհադիստական ​​ցանցում, Եվրոպայի ճնշման տակ են՝ ցույց տալու, որ լուրջ են վերաբերվում մարդու իրավունքների պաշտպանությանը, քանի որ Դամասկոսը ձգտում է Ասադի դարաշրջանի պատժամիջոցների լիակատար վերացմանը։

Մարտին տեղի ունեցած կրոնական բախումները, որոնց ժամանակ զոհվել է ավելի քան 1700 մարդ, հիմնականում՝ Ասադի ալավի փոքրամասնության շրջանում, առաջացրել են միջազգային դատապարտում և կասկածներ Սիրիայի նոր ուղու վերաբերյալ։

Էմանուել Մակրոնը հույս ունի օգնել Դամասկոսի իշխանություններին «ազատ, կայուն, ինքնիշխան Սիրիայի» կառուցման ճանապարհին, որը կհարգի սիրիական հասարակության բոլոր ներկայացուցիչներին, AFP-ին ասել է Ֆրանսիայի նախագահի աշխատակազմի պաշտոնյան՝ անանունության պայմանով։ Պաշտոնյան ասել է նաև, որ Ֆրանսիան տեղյակ է որոշ սիրիացի առաջնորդների «անցյալի» մասին և պահանջում է, որ «ոչ մի ինքնահանգստացում չլինի Սիրիայում գործող «ահաբեկչական շարժումների» նկատմամբ։

Շարաան ղեկավարել է իսլամիստական ​​«Հայաթ Թահրիր ալ-Շամ» (HTS) խմբավորումը, որը գլխավորել է Ասադի տապալումը 14 տարվա քաղաքացիական պատերազմից հետո։ Խումբը նախկինում կապեր է ունեցել «Ալ Քաիդա»-ի հետ։ Նա դեռևս ՄԱԿ-ի ճանապարհորդության արգելքի տակ է, և Ֆրանսիան, ամենայն հավանականությամբ, ստիպված է եղել բացառություն խնդրել Միավորված Ազգերի Կազմակերպությունից, ինչպես դա եղավ Թուրքիա և Սաուդյան Արաբիա կատարած ուղևորությունների դեպքում, ասել է իրավիճակին ծանոթ աղբյուրը։

ԵՄ խոսնակ Անուար Էլ Անունին ասել է, որ բացառություններ կարող են տրամադրվել որոշակի դեպքերում, եթե ՄԱԿ-ի պաշտոնյաները որոշեն, որ «մուտքը կամ տարանցումն արդարացված է»։

Մինչ այդ, ֆրանսիական ծայրահեղ աջակողմյանները քննադատել են Մակրոնի հանդիպումը Սիրիայի նախագահի հետ։ Աջ ծայրահեղականների առաջնորդ Մարին Լը Պենը Ֆրանսիայի նախագահին մեղադրել է «Իսլամական պետություն» խմբավորման և «Ալ-Քաիդա»-ի հետ կապված «ջիհադիստի» հետ բանակցությունների համար՝ հավելելով, որ նման հանդիպումը կլինի «սադրիչ և անպատասխանատու»։

«Շոկ և հիասթափություն»,- հայտարարել է Լը Պենը։

Ֆրանսիայի րտաքին գործերի նախարար Ժան-Նոել Բարրոն, որը հունվարին Դամասկոսում հանդիպել էր Սիրիայի առաջնորդի հետ, պաշտպանել է բանակցությունների գաղափարը։

«Սիրիայի և Լիբանանի առաջնորդների հետ չհամագործակցելը կնշանակեր «կարմիր գորգ» փռել ԻԼԻՊ-ի համար»,- RTL հեռուստաընկերությանն ասել է Բարոն՝ նկատի ունենալով «Իսլամական պետություն» խմբավորման ջիհադիստներին։

Թարգմանությունը՝ Էմմա Չոբանյանի