20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Շատ են կրակել, կարկուտից ավելի մեծ վնաս կլիներ, եթե չկրակեին․ Գևորգ Պապոյան․ ՏԵՍԱՆՅՈՒԹ
Տնտեսություն
07.05.2025 | 14:26
ԱԺ նիստում ընդդիմադիր պատգամավոր Գառնիկ Դանիելյանն անդրադարձավ Արարատի մարզում տեղի ունեցած կարկտահարության հետևանքով այգետերերի և հողագործների կրած վնասների փոխհատուցման վերաբերյալ հարցին:
Էկոնոմիկայի նախարար Գևորգ Պապոյանը տեղեկացրեց, որ հանձաժողով է ձևավորվել և զբաղվում են վնասի չափի հաշվարկով։
«Կառավարության ֆինանսավորմամբ այս տարի 70-80 տոկոսով ապահովագրավճարները փոխհատուցվում են: Ունենք բազմաթիվ քաղաքացիներ, որոնք օգտվել են այդ առաջարկից, և իրենք ընդամենը 20 տոկոսն են վճարելու ապահովագրավճարի, 80 տոկոսը ՀՀ կառավարությունն է փոխհատուցելու: Այ, որ գայինք և այստեղից մի քանի անգամ ելույթ ունենայինք, որ կառավարությունը ապահովագրավաճարի 80 տոկոսը սուբսիդավորում է, մի քանի քաղաքացի ավելի ապահովագրություն կկատարեր և վնասի չափն էլ մեծ չէր լինի»,- նկատեց պատգամավորը։
Գառնիկ Դանիելյանը նաև ասաց, որ գյուղացիներն իրեն փոխանցել են, որ հակակարկտային կայանքները չեն կրակել։
Ինչ վերաբերում է հարցին՝ ինչո՞ւ հակակարկտային կայանքները չեն կրակել, Պապոյանը պատասխանեց, նախ ինքը չի կարող միանշանակ նման պնդում անել, ապա մանրամասնեց․
«Կրակել են, շատ են կրակել, եթե չկրակեին կարկուտի վնասի չափն ավելի մեծ կլիներ։ Գիտականորեն ապացուցված փաստ է, որ հակակարկտային կայանները մի կողմից բավական արդյունավետ են, բայց երբեք 100 տոկոսանոց արդյունավետություն չեն ունենում»:
Մանրամասները՝ տեսանյութում։
