05.09.2026 | 22:55
«Ինտերը» 0:2-ից հետո կամային հաղթանակ է տարել «Նապոլիի» նկատմամբ. ՏԵՍԱՆՅՈՒԹ
Պատգամավորը օրական ստանում է 22 000 դրամ, հերթապահ զինվորը՝ 1700, պարեկը՝ 11 000 դրամ. Մանուկյան․ ՏԵՍԱՆՅՈՒԹ
Հասարակություն
07.05.2025 | 13:18
Ազգային ժողովում քննարկվում է «Պետական պաշտոններ և պետական ծառայության պաշտոններ զբաղեցնող անձանց վարձատրության մասին օրենքում փոփոխություններ կատարելու մասին օրինագիծը։
ՊՆ փոխնախարար Արման Սարգսյանը նշեց, որ Զինված ուժերի պայմանագրային սերժանտների աշխատավարձերը հաշվարկելիս կկիրառվեն հատուկ գործակիցներ։ «Զինված ուժերում բարեփոխումների իրականացման գործընթացում առաջնային նշանակություն ունի սերժանտական համակարգի զարգացումը, որը պրոֆեսիոնալ Զինված ուժերի ստեղծման առանցքային պայմանն է»,- ասաց Սարգսյանը։
Նա նաև տեղեկացրեց, որ նախագծով ՀՀ զինված ուժերում նախատեսում են ստեղծել Գլխավոր շտաբի սերժանտի, կորպուսի սերժանտի և շտաբի սերժանտի պաշտոններ։
«Հայաստան» խմբակցության պատգամավոր Գեղամ Մանուկյանն իր ելույթում խոսեց ատեստավորման խնդիրներից։
«Այսօր մենք եկանք, իրար քննադատեցինք, կռիվ արեցինք ու ամեն մեկս ստանում է 1 օրվա համար պետական բյուջեից 22 000 դրամ, պարեկները առանց ատեստացիայի, որովհետև, դե արդեն հինգ ամիս սովորել են, ի՞նչ ատեստացիա, ստանում են ամսական 371 000 դրամ։ Այսինքն՝ մենք այստեղ նստած ստանում ենք 22 000 դրամ, պարեկը մոտավորապես 11 000 դրամ, իսկ Հայաստանի մարտական հենակետում անձրևին, ձյանը նստած պայմանագրային զինծառայողը գիտե՞ք ինչքան է ստանում, 1 700 դրամ, սա է իրականությունը»,- հայտարարեց ընդդիմադիր պատգամավորը։
Մանրամասները՝ տեսանյութում։
