Տնտեսություն
07.05.2025 | 11:51Ազգային ժողովը քննարկում է Կառավարության ներկայացրած՝ «Պատմության և մշակույթի անշարժ հուշարձանների ու պատմական միջավայրի պահպանության և օգտագործման մասին» օրենքում լրացումներ և փոփոխություններ կատարելու մասին և կից ներկայացված օրենքների նախագծերի փաթեթն առաջին ընթերցմամբ ընդունելու մասին հարցը: ԿԳՄՍՆ փոխնախարար Ալֆրեդ Քոչարյանը տեղեկացրեց, որ նոր փոփոխությամբ առաջարկվում է «արգելոց» արտահայտությունը փոխարինել «հնավայր» բառով։
Հարցի քննարկման ժամանակ ընդդիմադիր պատգամավոր Լիլիթ Գալստյանն ընդգծեց, որ «արգելոցը» «հնավայր» տերմինով փոխարինելով՝ չեն արտահայտվում դաշտում արդեն գործող ինստիտուցիոնալ բոլոր կառույցների բովանդակային և իրավական հարաբերությունները: Ըստ նրա՝ առաջարկվող փոփոխությամբ իրավական անորոշություններ են առաջանում:
«Օրենքի նախագծի 2-3 էջանոց հիմնավորումը լեցուն է քերականական, շարահյուսական սխալներով, անգլատառ բառերով և անավարտ նախադասություններով։ Մի խոսքով՝ սա հակասական հաստատումների և անտրամաբանական շարադրանքի մի բառակույտ է, որը չի հաղթահարի 8-րդ դասարանի հայոց լեզվի քերականության անցողիկ շեմը։ Ինչ նախագծում եք խոտան է, ասֆալտից մինչև կրթական համակարգ»,- տեսակետ հայտնեց պատգամավորը։
Մանրամասները՝ տեսանյութում։
