21.12.2025 | 21:24
«Ապահովել հավասար մրցակցային պայմաններ». վարչապետը՝ ԵԱՏՄ ներքին շուկայի խոչընդոտների մասին
Վրաստանի հետ հաղորդուղիների բարելավումը Հայաստանի համար ռազմավարական նշանակություն ունի. Պապոյան
Քաղաքականություն
06.05.2025 | 22:59
ՀՀ էկոնոմիկայի նախարար Գևորգ Պապոյանը և Վրաստանի առաջին փոխվարչապետ, էկոնոմիկայի և կայուն զարգացման նախարար Լևան Դավիթաշվիլին Երևանում մասնակցել են Հայաստան-Վրաստան գործարար համաժողովին։ Այս մասին տեղեկացնում է ՀՀ էկոնոմիկայի նախարարությունը։
«Վրաստանի հետ հարաբերությունների հետագա ընդլայնումն ու խորացումը Հայաստանի արտաքին քաղաքականության կարևոր առաջնահերթություններից է: Հայաստանի և Վրաստանի միջև քաղաքական, տնտեսական, հաղորդակցային, մշակութային, հումանիտար և զբոսաշրջության ոլորտներում հարաբերությունների խորացումն ունի փոխադարձ կենսական նշանակություն, իսկ հաղորդակցության ուղիների բարելավումը Հայաստանի համար ունի ռազմավարական նշանակություն»,- ողջունելով համաժողովի մասնակցիներին՝ նշել է Գևորգ Պապոյանը:
Փոխգործակցության զարգացման առավել հեռանկարային ուղղությունների թվում Գևորգ Պապոյանը, մասնավորապես, մատնանշել է արդյունաբերության, գյուղատնտեսության, դեղագործության, տեղեկատվության և կապի, տրանսպորտի, էներգետիկայի, զբոսաշրջության և մի շարք այլ ոլորտներ։
Իր ելույթում նախարարն անդրադարձել է նաև ՀՀ կառավարության «Խաղաղության խաչմերուկ» նախագծին, որը կարող է դառնալ ինչպես տարածաշրջանային, այնպես էլ տնտեսական համագործակցության ավելի արդյունավետ ճանապարհ։
