20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Ֆրիդրիխ Մերցն ընտրվել է Գերմանիայի կանցլեր
Քաղաքականություն
06.05.2025 | 19:29
Ֆրիդրիխ Մերցն ընտրվել է Գերմանիայի կանցլեր: Բունդեսթագը նրա թեկնածությունը հաստատել է երկրորդ փորձից։ Կողմ է քվեարկել 325 պատգամավոր՝ անհրաժեշտ 316-ի դեպքում։ Քրիստոնեա-դեմոկրատական և Քրիստոնեա-սոցիալական միությունների (ՔԴՄ/ՔՍՄ) թեկնածուն կդառնա Գերմանիայի պատմության մեջ 10-րդ կանցլերը: Նա պետք է գլխավորի կոալիցիոն կառավարությունը Գերմանիայի Սոցիալ-դեմոկրատական կուսակցության հետ։
Գերմանիայի նախագահ Ֆրանկ-Վալտեր Շտայնմայերը Ֆրիդրիխ Մերցին հաստատել է կանցլերի պաշտոնում: Բեռլինի կենտրոնում գտնվող Բելվյու նախագահական պալատում տեղի է ունեցել կարճ արարողություն, որի ժամանակ Շտայնմայերը հանդիսավորությամբ Մերցին նշանակել է նոր կանցլեր:
Մայիսի 6-ի առավոտյան քվեարկության առաջին փուլում Մերցը չի կարողացել ստանալ բացարձակ մեծամասնություն. նա հավաքել է ընդամենը 310 ձայն: Սա Գերմանիայի պատմության մեջ առաջին նման դեպքն էր։
