24.06.2026 | 21:09
Ադրբեջանի ԱԳՆ-ն դատապարտել է Արցախի հայերի ու գերիների վերաբերյալ պաշտոնական Փարիզի հայտարարությունները
ԱՄՆ-ից ինքնակամ հեռացողները կստանան 1000 դոլար. Թրամփի «ինքնարտաքսման» նոր ծրագիրը
Քաղաքականություն
06.05.2025 | 15:30
Անօրինական ներգաղթյալները, որոնք կամավոր կլքեն ԱՄՆ-ը, կստանան 1000 դոլար CBP Home հավելվածի միջոցով։ Այս մասին հայտնում է DW-ի ռուսական ծառայությունը՝ հղում անելով ԱՄՆ ներքին անվտանգության նախարարությանը։
ԱՄՆ նախագահ Դոնալդ Թրամփի վարչակազմը մեկնարկում է «կամավոր ինքնարտաքսման» ծրագիր անօրինական ներգաղթյալների համար։ Ծրագրի շրջանակում ԱՄՆ-ում ապօրինի բնակվող ներգաղթյալները կարող են ստանալ ֆինանսական և կազմակերպչական աջակցություն՝ հայրենիք վերադառնալու համար, ասվում է ԱՄՆ ներքին անվտանգության նախարարության հայտարարությունում։
Ցանկացած անօրինական ներգաղթյալ, որը կօգտվի CBP Home հատուկ հավելվածից ինքնակամ երկրից հեռանալու նպատակով, «կստանա 1000 դոլար՝ որպես պարգև, որը կվճարվի հայրենիք վերադարձը հաստատվելուց հետո», նշում է գերատեսչությունը։
Հայտարարությունում ինքնարտաքսումը բնութագրվում է որպես «ԱՄՆ-ից դուրս գալու արժանապատիվ միջոց, որը թույլ կտա անօրինական ներգաղթյալներին խուսափել ներգաղթի և մաքսային ոստիկանության հետ անհարկի շփումներից»։
