12.03.2026 | 21:30
Իրանում հակամարտությունը շարունակվելու դեպքում ՀՀ տարածքով Նախիջևան տարանցումն արդիական կդառնա․ Ռուսիֆ Հուսեյնով․ ՏԵՍԱՆՅՈՒԹ
Մերցին չընտրեցին Գերմանիայի կանցլեր
Քաղաքականություն
06.05.2025 | 13:55
Գերմանիայի Բունդեսթագը մայիսի 6-ին առաջին փուլում Ֆրիդրիխ Մերցին չի ընտրել դաշնային կանցլերի պաշտոնում։ Մերցը ստացել է 310 ձայն՝ անհրաժեշտ 316-ի փոխարեն։ Արդյունքում, Բունդեսթագը 14 օր ժամանակ ունի՝ Մերցին կամ այլ թեկնածուի ընտրելու փորձ կատարելու համար։ Այս դեպքում արդեն անհրաժեշտ կլինի ձայների բացարձակ մեծամասնությունը։
Մերցի պահպանողական դաշինքը հաղթել էր փետրվարյան ընտրություններում՝ հավաքելով 28,5% ձայն։ Կառավարություն կազմելու համար նրան կոալիցիոն գործընկեր էր անհրաժեշտ։ Արդյունքում, Մերցը համաձայնել է համագործակցել սոցիալ-դեմոկրատների հետ, որոնք ստացել էին 16,4% ձայն։
BBC-ի ռուսական ծառայությունը հիշեցնում է՝ սա Գերմանիայի պատմության մեջ առաջին դեպքն է 1972 թվականից ի վեր, երբ կանցլերը չի ընտրվում առաջին փուլում։
Մերցը որոշել է չմասնակցել երկրորդ փուլին:
