27.06.2026 | 19:38
Ռաիսա Մկրտչյանը նշանակալի ներդրում է ունեցել նոր սերնդի կրթության և դաստիարակության գործում․ Փաշինյան
Ծանրորդ Հարություն Հովհաննիսյանը՝ պատանիների աշխարհի առաջնության փոխչեմպիոն
05.05.2025 | 14:15
Պերուում ավարտին է մոտենում պատանիների և երիտասարդների ծանրամարտի աշխարհի առաջնությունը: Հայաստանի հավաքականի անդամ Հարություն Հովհաննիսյանը գերծանր քաշային պատանի ծանրորդների պայքարի պոկում վարժությունում արժանացել է ոսկե մեդալի․ տեղեկացնում են ԿԳՄՍՆ-ից։
Նա երեք հաջող մոտեցմամբ բարձրացրել է 140 կգ, 145 կգ ու 150 կգ: Հրում վարժությունում Հովհաննիսյանը բարձրացրել է 173 կգ: Երկամարտի 323 կգ արդյունքով նա դարձել է պատանիների աշխարհի առաջնության փոխչեմպիոն:
Էմմա Պողոսյանը հանդես է եկել ծանրամարտի երիտասարդների աշխարհի առաջնության կանանց 81 կգ քաշում։ Նա պոկում վարժությունում մեկ մոտեցում է կատարել՝ բարձրացնելով 95 կգ: Հաջորդ երկու մոտեցումներից մարզիկը հրաժարվել է ծնկի ուժեղ ցավերի պատճառով: Հրում վարժությունում Էմման բարձրացրել է 120 կգ ու կրկին վնասվածքի պատճառով չի կատարել մյուս մոտեցումները: Երկամարտի 215 կգ արդյունքով Էմմա Պողոսյանը երիտասարդների աշխարհի առաջնությունում զբաղեցրել է 4-րդ տեղը։
