13.01.2026 | 23:28
ՆԳՆ շրջիկ սպասարկման գրասենյակները ծառայություններ կմատուցեն Գեղարքունիքի և Վայոց ձորի մարզերում
Սոբյանինը հայտարարել է Մոսկվա թռչող չորս ԱԹՍ-ի խոցման մասին
Քաղաքականություն
05.05.2025 | 12:08
Մոսկվայի քաղաքապետ Սերգեյ Սոբյանինը հայտնել է մայիսի լույս 5-ի գիշերը Պոդոլսկի շրջանում Մոսկվայի ուղղությամբ թռչող չորս անօդաչուի խոցման մասին։ Նա նշել է, որ զոհեր և վիրավորներ չկան, գրում է Current time-ը։
Ռուսաստանի Պաշտպանության նախարարությունն էլ հայտնել է, որ Մոսկվայի մարզի վրայով ոչ ուշ, քան ժամը 2:30-ին, որսացել է չորս անօդաչու թռչող սարք։ Բացի այդ, Ռուսաստանի ռազմական գերատեսչության տվյալներով՝ 17 անօդաչու թռչող սարք է խոցվել Բրյանսկի մարզի վրայով, ևս հինգը՝ Կալուգայի մարզի վրայով։
Անօդաչու թռչող սարքերի հարձակման ժամանակ Մոսկվայի «Դոմոդեդովո» օդանավակայանում մտցվել են ինքնաթիռների մուտքի և ելքի ժամանակավոր սահմանափակումներ, հայտնել է Ռոսավիացիան։ Մեկ ժամ անց սահմանափակումները վերացվել են։
Ականատեսները հրապարակել են տեսանյութեր, որոնցում, ենթադրաբար, լսվում են Պոդոլսկում ՀՕՊ համակարգերի ձայները։
Պոդոլսկը, ինչպես երևում է Մոսկվայի և Մոսկվայի մարզի ՀՕՊ համակարգերի ինտերակտիվ քարտեզից, երեք կողմից շրջապատված է «Պանցիր» զենիթահրթիռային համակարգերով․ դրանցից մեկը տեղադրված է Պոդոլսկի հարավային շրջանցիկ ճանապարհի աշտարակի վրա, մյուսը՝ Ժդանովո գյուղի մոտ, երրորդը՝ քաղաքից արևմուտք գտնվող Արմազովո գյուղի տարածքում։
Ուկրաինան դեռևս չի մեկնաբանել անօդաչու թռչող սարքերի գրոհի մասին լուրերը։
Թարգմանությունը՝ Էմմա Չոբանյանի
