24.06.2026 | 18:10
ՀԱՊԿ-ում կքննարկեն Հայաստանին հեռացնելու հարցը // Սեդա Սաֆարյանը կմասնակցի ՍԴ նիստին․ ԼՈՒՐԵՐ
Մոսկվայում և Մերձմոսկվայում մայիսի ձյան տեղումների ավելի քան 100 տարվա ռեկորդը գերազանցվել է
Քաղաքականություն
02.05.2025 | 16:09
Գրեթե ամբողջ գիշեր տևած տեղատարափ անձրևը և դրան հաջորդած ձյունն իսկական կոլապս են առաջացրել ՌԴ մայրաքաղաքում և Մոսկվայի մարզում, գրում է KP-ն։
«Մետեոնովոստիի» գլխավոր մասնագետ Տատյանա Պոզդնյակովան հայտնել է, որ մայիսի 1-ին գերազանցվել է այդ օրվա տեղումների քանակի ռեկորդը՝ 28 մմ։ Նախորդ ռեկորդը (20.6 մմ) սահմանվել էր ավելի քան 100 տարի առաջ՝ 1909 թվականին։ Գիշերվա ընթացքում տեղացել է մինչև 5 սմ թաց ձյուն (ջերմաստիճանը հիմնականում մնացել է զրոյից բարձր):
Նա նշել է, որ թաց ձյունը ծածկել է ծաղկող այգիներն ու հոսանքալալերը, արդյունքում էլ որոշ տեղերում մարդիկ մնացել են առանց էլեկտրաէներգիայի։
Մոսկվայի մարզի նահանգապետ Անդրեյ Վորոբյովն էլ հայտնել է, որ վատ եղանակի հետևանքների վերացման գործում ներգրավված է ավելի քան 200 արտակարգ իրավիճակների բրիգադ։
Նահանգապետի խոսքով՝ ամենաշատը տուժել են Մոսկվայի մարզի հյուսիսային և հյուսիսարևմտյան շրջանները։ Էլեկտրաէներգիայի անջատումներն անդրադարձել են 26 հազար մարդու, 4,4 հազար տրանսֆորմատորային ենթակայաններ չեն աշխատում։ Սերգիև Պոսադում 46 բնակավայր մնում է առանց էլեկտրաէներգիայի, իսկ 11 կաթսայատուն անջատված է։ Դմիտրովսկի շրջանում կա 47 բնակավայր, որոնք էլեկտրաէներգիա չունեն, 21 կաթսայատուն անջատված է։
Մոսկվայի օդանավակայանների առցանց ցուցատախտակների տվյալների համաձայն՝ մայիսի 2-ին կեսգիշերից մինչև առավոտյան ժամը 8-ը ուշացումներով մեկնել է ավելի քան 50 չվերթ։ Այսպես՝ «Շերեմետևո»-ում ուշացել է 21 չվերթ (ամենաերկար ուշացումը կազմել է 4 ժամ), «Վնուկովո»-ում՝ 24 չվերթ, «Դոմոդեդովո»-ում՝ 5, իսկ «Ժուկովսկի»-ում չեղարկվել է 1 չվերթ։
Թարգմանությունը՝ Էմմա Չոբանյանի
