08.10.2026 | 18:02
Փարիզում քննարկվել է ապաստանի գործերով մասնագիտացված դատավորներ ունենալու հնարավորությունը
Հանածոների համաձայնագրի կնքումից հետո ԱՄՆ-ը կվերսկսի Ուկրաինային զենքի վաճառքը. Kyiv Post
Քաղաքականություն
01.05.2025 | 15:59
Ուկրաինական Kyiv Post-ը, հղում անելով իր աղբյուրներին, հայտնում է, որ օգտակար հանածոների մասին համաձայնագիրը ստորագրելուց հետո Թրամփի վարչակազմն ապաարգելափել է Ուկրաինային առևտրային զենքի վաճառքը, փոխանցում է BBC-ի ռուսական ծառայությունը։
Աղբյուրների տվյալներով՝ Սպիտակ տունը Կոնգրեսին տեղեկացրել է իր մտադրության մասին՝ թույլատրել պաշտպանական արտադրանքի արտահանումն Ուկրաինա 50 միլիոն դոլարի չափով՝ ուղղակի առևտրային ծառայություններ (DCS) ծրագրի շրջանակում։ Այս ծրագիրը նախկինում էլ գործում էր, չնայած զենքի զգալի մասը փոխանցվել էր անվճար։ 2015-ից 2023 թվականներին Ուկրաինան այս ծրագրի շրջանակում մատակարարված ռազմական ապրանքների համար վճարել է շուրջ 1,6 միլիարդ դոլար։
Սպիտակ տուն վերադառնալուց հետո Թրամփը դադարեցրել է Ուկրաինային տրամադրվող ամբողջ ռազմական օգնությունը։
Kyiv Post-ը ծանոթացել է 50 միլիոն դոլարի վաճառքի լիցենզիայի ծանուցմանը,, որը ներկայացվել է Կոնգրեսին՝ համաձայն «Զենքի արտահանման վերահսկման մասին» օրենքի, որն ԱՄՆ նախագահին լիազորում է վերահսկել պաշտպանական ապրանքների և ծառայությունների ներմուծումն ու արտահանումը։
Կոնկրետ ինչ է առաջարկվիելու Ուկրաինային, դեռևս պարզ չէ. ենթադրաբար, դա կլինի ոչ միայն զենք, այլև ռազմական ծառայություններ, մասնավորապես, հետախուզական տվյալներ։
Միաժամանակ, նոր անվճար ռազմական օգնության փաթեթներ տրամադրելու մասին խոսք չկա։ Կիևը պետք է գնի զենքը։
Վաշինգտոնը դեռևս չի մեկնաբանել Kyiv Post-ի տեղեկությունը։
Հիշեցնենք, որ Միացյալ Նահանգները և Ուկրաինան, երկար բանակցություններից հետո, ստորագրել են տնտեսական համաձայնագիր, որը նախատեսում է ներդրումային հիմնադրամի ստեղծում՝ երկիրը վերականգնելու համար։ Փաստաթուղթը ստորագրել են ԱՄՆ ֆինանսների նախարար Սքոթ Բեսենթը և Ուկրաինայի առաջին փոխվարչապետ, էկոնոմիկայի նախարար Յուլիա Սվիրիդենկոն, որը հատուկ այդ նպատակով մեկնել էր Վաշինգտոն։
Թարգմանությունը՝ Էմմա Չոբանյանի
