14.02.2026 | 23:13
Ալիևը Ռուսաստանին մեղադրել է Կիևում Ադրբեջանի դեսպանատանը հարվածելու համար
Հյուսիս-Հարավ տրանսպորտային միջանցքը հատուկ տեղ է զբաղեցնում Ադրբեջանի, Իրանի և ՌԴ-ի համատեղ նախագծերի շարքում․ Ալիև
Քաղաքականություն
28.04.2025 | 21:44
Հյուսիս-Հարավ տրանսպորտային միջանցքը հատուկ տեղ է զբաղեցնում Ադրբեջանի, Իրանի և Ռուսաստանի համատեղ նախագծերի շարքում, որը, ըստ Ադրբեջանի նախագահ Իլհամ Ալիևի, մեծ օգուտ կբերի բոլոր մասնակիցներին։
«Այսօր մենք քննարկել ենք եռակողմ (Ադրբեջան, Իրան, Ռուսաստան) համագործակցության նախագծեր։ Դրանց թվում, բնականաբար, Հյուսիս-Հարավ տրանսպորտային միջանցքը զբաղեցնում է հատուկ տեղ»,- ասել է Ալիևը Բաքվում Իրանի նախագահ Մասուդ Փեզեշքիանի հետ համատեղ մամուլի ասուլիսում։
Ադրբեջանական լրատվամիջոցների հաղորդմամբ՝ նա նշել է, որ Ադրբեջանն իր տարածքում ավարտել է տրանսպորտային միջանցքի գործունեությունն ապահովելու համար անհրաժեշտ բոլոր ենթակառուցվածքային աշխատանքները։
«Ներկայում մենք պարզապես ընդլայնում ենք մեր տրանսպորտային հնարավորություններն ու ենթակառուցվածքները՝ հաշվի առնելով բեռների աճող ծավալը»,- ասել է Ադրբեջանի նախագահը։
Ալիևը նաև նշել է, որ Բաքուն և Թեհրանն ավանդաբար աջակցում են միմյանց միջազգային կազմակերպությունների շրջանակում, մասնավորապես, ՄԱԿ-ի, Իսլամական համագործակցության կազմակերպության, Տնտեսական համագործակցության կազմակերպության, Չմիավորման շարժման և այլ միջազգային կառույցների շրջանակներում։
Ադրբեջանի նախագահի խոսքով՝ Իրանի նախագահի Բաքու այցը էական դեր կխաղա երկկողմ հարաբերությունների հետագա զարգացման գործում։
Թարգմանությունը՝ Էմմա Չոբանյանի
