08.11.2026 | 21:21
Առատ ձյան պատճառով Գորայք-Մեղրի ճանապարհը փակ է կցորդիչով բեռնատարների համար
Լուի Բոնոն հեռանում է պաշտոնից․ հայտնի է Եվրոպայում Պետդեպի բյուրոյի նոր ղեկավարի անունը
Քաղաքականություն
27.04.2025 | 21:33
ԱՄՆ պետքարտուղար Մարկո Ռուբիոն իր Սենատի աշխատակազմի նախկին անդամին, որը հիմնականում բիզնես խորհրդատուի փորձ ունի, նշանակել է ԱՄՆ պետքարտուղարության Եվրոպայի հարցերով բարձրագույն պաշտոնյա․ հաղորդում է Reuters-ը՝ հղում անելով պետքարտուղարության կայքին։ Այդ պաշտոնը կստանձնի Բրենդան Հանրահանը։
Պետդեպարտամենտում ԱՄՆ-Եվրոպա կապերը վերահսկող ամենաբարձրաստիճան պաշտոնյայի փոփոխությունը տեղի է ունենում այն ժամանակ, երբ Վաշինգտոնը փորձում է կառավարել մայրցամաքի հետ ավելի ու ավելի լարվող հարաբերությունները․ նախագահ Դոնալդ Թրամփը հայտարարում է, որ ցանկանում է զավթել Գրենլանդիան, ճնշում գործադրել դաշնակիցների վրա ՆԱՏՕ-ի ծախսերի հարցում և դադարեցնել Ռուսաստանի պատերազմը Ուկրաինայում։
«Բրենդանն ունի արժեքավոր փորձ թե՛ մասնավոր հատվածում, թե՛ Սենատում, որտեղ նա ծառայել է պետքարտուղարի աշխատակազմում։ Այս փորձառությունը նրան գերազանց պատրաստվածություն է տալիս ղեկավարելու բյուրոն վերակազմակերպման գործընթացում և հաջողությամբ առաջ մղելու պետքարտուղարի օրակարգը՝ ամբողջ Եվրոպայում և նրա սահմաններից դուրս»,- գրել է Բոնոն ուրբաթ օրը՝ կառույցի ներքին էլեկտրոնային նամակում՝ ըստ Reuters-ի:
