08.10.2026 | 10:34
Ստամբուլում 7 հարկանի բնակելի շենքը մասնակիորեն փլուզվել է․ փլատակներում մարդիկ կան․ ՏԵՍԱՆՅՈՒԹ
Երևանն ու Նիցցան դիտարկում են գործակցության նոր ծրագրեր
25.04.2025 | 22:59
Երևանի քաղաքապետի տեղակալ Սարգիս Մադաթյանը հյուրընկալել է Նիցցայի քաղաքապետի ներկայացուցիչ, խորհրդական Պիեռ Ֆիորիին և Սոս Հայաստան Կոտ դ’Ազուր կազմակերպության ներկայացուցիչներին: Այս մասին տեղեկացնում են Երևանի քաղաքապետարանից։
«Հանդիպման ընթացքում կողմերն անդրադարձել են Երևանի և Նիցցայի միջև կնքված «Առողջապահության ոլորտում միջազգային համագործակցության շրջանակային» համաձայնագրի շրջանակում իրականացված ծրագրերին ու նախանշել հետագա անելիքները: Որպես գործակցության նոր ուղղություններ կարևորվել են թափոնների կառավարման ու կանաչապատման ոլորտները: Երևանի քաղաքապետի տեղակալ Սարգիս Մադաթյանը համոզմունք է հայտնել, որ կյանքի կոչվող համատեղ ծրագրերը նոր թափ կհաղորդեն երկու քաղաքների տասնամյակների գործակցությանը»,- ասված է հաղորդագրությունում:
