Ինչո՞ւ թույլ տվեցիք, որ գազագող բանդիտները փախչեն երկրից․ ՔԿ նախագահը մանրամասներ ներկայացրեց քրգործից․ ՏԵՍԱՆՅՈՒԹ

«Ինչո՞ւ թողեցինք՝ գազագող բանդիտները փախչեն երկրից»,- Ազգային ժողովում Պետաիրավական հարցերի հանձնաժողովի նիստում տարեկան զեկույցի ներկայացումից հետո Քննչական կոմիտեի նախագահ Արթուր Պողոսյանին հարց ուղղեցին լրագրողները։

Հիշեցնենք՝ երեկ Քննչական կոմիտեն հաղորդագրություն էր տարածել, ըստ որի ՔԿ գլխավոր վարչությունում քննվում է նաև մի շարք գազալցակայանների սեփականատեր Ն.Գ.-ի և մի խումբ այլ անձանց կողմից առանձնապես խոշոր չափերով՝ 1 մլրդ 79 մլն 341 հզր 404 ՀՀ դրամի հարկեր չվճարելու նպատակով ընկերության հարկային հաշվարկներում խեղաթյուրված տվյալներ մտցնելու եղանակով հարկման օբյեկտը թաքցնելու, մասնավորապես՝ մեկ միասնական դիտավորությամբ հիշյալ ընկերությունների կողմից մատակարարվող եւ իրացվող բնական գազի հաշվառման սարքերի տվյալները ծրագրային միջամտություններով խեղաթյուրելու, նախապես հարմարեցված բեռնատար մեքենաներով գազի ապօրինի տեղափոխում իրականացնելու, կեղծ հաշվետվություններ կազմելու դեպքի առթիվ նախաձեռնված քրեական վարույթը»։ Ըստ պաշտոնական հաղորդագրության՝ Ն.Գ.-ի 18 գազալցակայաններում հարկեր չեն վճարվել:

«Ձեր մատնանշած վարույթով գազագողության դեպք չկա։ Այս վարույթներով հսկայական քննչական աշխատանքներ են կատարվել, երբ արդեն ունեցել ենք բավարար փաստեր և ապացույցներ, որոնք հիմք կտային, որ անձանց նկատմամբ քրեական հետապնդումներ հարուցվեին, քննիչը պատշաճ և ժամանակին միջնորդություններ է ներկայացրել համապատասխան անձանց դատավարական կարգավիճակ տալու համար»,- նշեց ՔԿ նախագահը։

Մանրամասները՝ տեսանյութում։