05.04.2026 | 15:46
Ազովի ծովում ցորենով բեռնված բեռնատար նավ է կործանվել. մեկ մարդ զոհվել է
ԱԺ միջադեպի առթիվ խուլիգանության հոդվածով վարույթ կհարուցվի՞․ Քննչական կոմիտեի նախագահի պատասխանը․ ՏԵՍԱՆՅՈՒԹ
Հասարակություն
22.04.2025 | 16:32
Ազգային ժողովում Պետաիրավական հարցերի հանձնաժողովի նիստում տարեկան զեկույցի ներկայացումից հետո Քննչական կոմիտեի նախագահ Արթուր Պողոսյանին լրագրողները հարց ուղղեցին՝ այսօր խորհրդարանում տեղի ունեցած միջադեպի մասով արդյո՞ք խուլիգանության հոդվածի հատկանիշներով քրեական վարույթ կնախաձեռնվի․
«Հանցագործության մասին հաղորդումը պետք է լինի պատշաճ, մամուլում զետեղված տեսագրությունները պետք է պատշաճ ուսումնասիրվեն։ Ես տեղյակ չեմ՝ ինչ է տեղի ունեցել, ձեր խոսքերից իմացա, հետևաբար պետք է հասկանանք՝ ինչի մասին է խոսքը»,- նշեց Պողոսյանը։
Հիշեցնենք՝ այսօր ԱԺ-ում իրավիճակը թեժացավ ԱԺ նախագահ Ալեն Սիմոնյանի այն հայտարարությունից հետո, թե ՀՅԴ պատգամավորները ներքին վեճ ունեն։ Տեղից արձագանքեց «Հայաստան» խմբակցության պատգամավոր Գառնիկ Դանիելյանը, այնուհետև՝ բղավոցներ լսվեցին, և ընդդիմադիր պատգամավոր Գեղամ Մանուկյանի և իշխող «Քաղաքացիական պայմանագիր» խմբակցության անդամ Վահե Ղալումյանի միջև քաշքշուկ սկսվեց:
Մանրամասները՝ տեսանյութում։
