05.07.2026 | 13:06
Ավտոքարշակում հրդեհ է բռնկվել․ 8 մարդատար ավտոմեքենայից 4-ն ամբողջությամբ այրվել է
Ի՞նչ կապ ունի լոռեցին կամ մեղրեցին Ֆրանկոֆոնիայի հետ․ Արմենուհի Կյուրեղյան․ ՏԵՍԱՆՅՈՒԹ
Քաղաքականություն
05.10.2018 | 11:45
Ազգային ժողովն այսօր հրավիրված արտահերթ նիստում քննարկում է Կառավարության ներկայացրած «Հայաստանի Հանրապետության տոների և հիշատակի օրերի մասին» Հայաստանի Հանրապետության օրենքում լրացում կատարելու մասին օրենքի նախագիծը, որը խորհրդարանում պետք է ներկայացվի առաջին և երկրորդ ընթերցման:
Հարցի զեկուցող ՀՀ արտաքին գործերի նախարարի տեղակալ Ռուբեն Ռուբինյանը նշեց, որ հարցի հրատապությունը պայմանավորված է Հայաստանում անցկացվելիք Ֆրանկոֆոնիայի գագաթաժողովի անցկացման հետ։
Նախագծի ընդունմամբ` առաջարկվում է Կառավարությանը լիազորել աշխատանքային օրերի տեղափոխում Հայաստանում անցկացվող բացառիկ միջոցառումների ժամանակ։
ԱԺ ՀՅԴ խմբակցության պատգամավոր Արմենուհի Կյուրեղյանը փոխնախարարից հետաքրքվեց՝ ի՞նչ կապ ունի լոռեցին, իջևանցին, մեղրեցին այս միջոցառման հետ և ինչո՞ւ պետք է մեղրեցի և լոռեցի երեխայի դպրոցական գրաֆիկը խախտվի, որովհետև Երևանում հնարավոր է տրանսպորատյին խափանումներ լինեն։
Ի պատասխան՝ փոխնախարարը նշեց, որ մարզերի բնակիչների համար ևս Ֆրանկոֆոնիան կարող է նշանակություն ունենալ և նույն լոռեցի ու մեղրեցի երեխաները կարող են գալ և մասնակցել Ֆրանկոֆոնիայի միջոցառումներին։
Մանրամասները՝ տեսանյութում։
