26.06.2026 | 08:14
ԱԱ-2026. ԱՄՆ-ը պարտվեց գոլառատ խաղում, Ավստրալիան փլեյ-օֆֆում է. ՏԵՍԱՆՅՈՒԹ
Գերմանիան արգելափակում է Eurofighter կործանիչների մատակարարումը Թուրքիային
Քաղաքականություն
18.04.2025 | 22:57
Մինչ Գերմանիայում Քրիստոնեական միության և սոցիալ-դեմոկրատների նոր կոալիցիոն կառավարության պաշտոնական ձևավորումը՝ Օլաֆ Շոլցի (Սոցիալ-դեմոկրատներ-Կանաչներ) գլխավորած ժամանակավոր կառավարությունը, ըստ որոշ տեղեկությունների, խոչընդոտում է Eurofighter կործանիչների հնարավոր արտահանմանը Թուրքիային: Այս մասին հայտնում է Handelsblatt-ը՝ հղում անելով նախկին վարչակազմի ներսում գաղտնի քննարկումներին ծանոթ աղբյուրներին, գրում է Greek City Times-ը։
Բեռլինի որոշման ենթադրյալ պատճառը Ստամբուլի քաղաքապետ Էքրեմ Իմամօղլուի ձերբակալությունն է, որը թուրքական ընդդիմության կողմից լայնորեն դիտվում է որպես քաղաքական դրդապատճառներով պայմանավորված քայլ:
Գերմանական լրատվամիջոցի տվյալներով՝ Գերմանիայի կառավարությունը ձերբակալությունը համարում է «հարձակում թուրքական ժողովրդավարության վրա», հետևաբար, նպատակահարմար է համարում դադարեցնել ռազմական տեխնիկայի մատակարարումը։
Ի դեպ, անցյալ տարի Թուրքիա կատարած այցի ժամանակ կանցլեր Օլաֆ Շոլցը, որն այժմ ժամանակավոր պաշտոնակատար է, բաց էր թվում համաձայնագրին աջակցելու հարցում։
«Թուրքիան ՆԱՏՕ-ի անդամ է, և որպես այդպիսին՝ մենք պարբերաբար որոշումներ ենք կայացնում, որոնք հանգեցնում են պաշտպանական համակարգերի տեղակայմանը»,- Ստամբուլում հայտարարել էր Շոլցը։
Սակայն, ըստ լրատվամիջոցի, վերջին իրադարձությունները, կարծես, հետաձգել են հնարավոր գործարքը՝ գոնե առայժմ։
Թարգմանությունը՝ Էմմա Չոբանյանի
