08.09.2026 | 18:32
Հայաստան-Թուրքիա սահմանի թուրքական Ալիջան անցակետի բացման շինաշխատանքները շարունակվում են. ԼՈՒՍԱՆԿԱՐՆԵՐ
Ժան-Կլոդ Վան Դամն իրեն առաջարկում է որպես «խաղաղության դեսպան» Ռուսաստանում
Քաղաքականություն
17.04.2025 | 14:56
Հոլիվուդյան դերասան Ժան-Կլոդ Վան Դամը տեսաուղերձ է հղել ՌԴ նախագահ Վլադիմիր Պուտինին, որում նշել է, թե ցանկանում է այցելել Ռուսաստան՝ «խաղաղության դեսպան» դառնալու նպատակով, հայտնում է ռուսաստանյան «Վեդոմոստին»։
Տեսագրությունում երևում է նաև ուկրաինացի գործարար և նախկին պատգամավոր Ալեքսանդր Օնիշչենկոն։ Կոչը հրապարակվել է ուկրաինացի լրագրող Դիանա Պանչենկոյի Telegram-ի ալիքում։
«Մենք ցանկանում ենք գալ Ռուսաստան: Մենք կփորձենք դա անել այնպես, ինչպես դուք եք ցանկանում… Ես կցանկանայի լինել այդպիսին, ինձ համար պատիվ կլիներ կրել այդ կոչումը», – ասել է Վան Դամը:
Դերասանը շեշտել է, որ մտադիր չէ քաղաքական թեմաներ շոշափել, այլ ցանկանում է խոսել բացառապես «խաղաղության, սպորտի և երջանկության մասին»։
Հիշեցնենք, որ Ժան-Կլոդ Վան Դամը աշխարհահռչակ դերասան, ռեժիսոր և մարտարվեստի վարպետ է։ Նա հայտնի է դարձել 1980-ականների և 1990-ականների կուլտային մարտաֆիլմերում իր դերերի շնորհիվ։ Բացի դերասանական կարիերայից, նա զբաղվել է նաև պրոդյուսերային գործունեությամբ և ռեժիսորությամբ։
