17.07.2026 | 13:50
Մոսկվայում մեկնարկել են Լավրով-Բայրամով բանակցությունները
Երմակը, Սիբիհան և Ումերովը ժամանել են Փարիզ՝ եվրոպացի գործընկերների և ԱՄՆ ներկայացուցիչների հետ բանակցությունների
Քաղաքականություն
17.04.2025 | 12:42
Ուկրաինական պատվիրակությունը ժամանել է Փարիզ՝ գործընկերների հետ բանակցությունների համար։ Ֆրանսիայի մայրաքաղաք են ժամանել Ուկրաինայի նախագահի գրասենյակի ղեկավար Անդրեյ Երմակը, ԱԳ նախարար Անդրեյ Սիբիհան և պաշտպանության նախարար Ռուստեմ Ումերովը։ Այս մասին հայտնում է ՌԲԿ Ուկրաինան՝ վկայակոչելով Երմակի տելեգրամյան գրառումը։
Այցի շրջանակում նախատեսված են մի շարք երկկողմ և բազմակողմ հանդիպումներ «վճռականների կոալիցիայի» երկրների ներկայացուցիչների հետ։ Երմակի խոսքով՝ խոսքը Ֆրանսիայի, Գերմանիայի և Մեծ Բրիտանիայի ներկայացուցիչների մասին է։
Նախատեսված են նաև հանդիպումներ ԱՄՆ ներկայացուցիչների հետ, որոնք այժմ այցով Ֆրանսիայում են։
«Աշխատում ենք Ուկրաինայի և ամբողջ Եվրոպայի անվտանգության համար կարևոր հարցերի ուղղությամբ»,- ընդգծել է Երմակը։
Ուկրաինայի ԱԳՆ-ից էլ հայտնել են, որ Փարիզում կայանալիք հանդիպումները կլինեն Ուկրաինայում կայուն խաղաղության հասնելու վերաբերյալ խորհրդակցությունների շարունակությունը։ Նշվում է, որ կողմերը կքննարկեն լիակատար հրադադարի հասնելու, Ուկրաինայում խաղաղության և անվտանգության ապահովման նպատակով ռազմական կոնտինգենտի ներգրավումը։
Հիշեցնենք, որ ԱՄՆ Պետքարտուղարությունն ավելի վաղ հայտնել էր, որ պետքարտուղար Մարկո Ռուբիոն և նախագահ Դոնալդ Թրամփի հատուկ բանագնաց Սթիվ Ուիթկոֆն ապրիլի 16-18-ը լինելու են Փարիզում՝ եվրոպացի գործընկերների հետ Ուկրաինայի հարցով բանակցելու։
Թարգմանությունը՝ Էմմա Չոբանյանի
